نفساني - عرض مشاركة واحدة

16-05-2018, 02:49 AM

السلام عليكم و رحمة الله و بركاته

أسعد الله جميع أوقاتكم بكل خير أخواني أخواتي الكرام و الكريمات

مدري وين الخلايق

رجاء لا تتركون المجلس خالي .. أشعر بوحشة كبيرة فوق الوحشة اللي الواحد يحاول يدافعها بكل ما أوتي من قوة

ما لكم خلق تكتبون أو مشغولين فقط سلموا .. خلونا نحس إنكم بخير من خلال السلام فقط

و ربي يسلمكم جميعا من كل شر

آخر مستجداتي .. رحت أمس الصباح بدري درت على أكثر من عشر صيدليات حولنا كلهم رفضوا حتى يعطوني قطرة عيون للضعوف .. شكلها راح تقف على بيع لصق الجروح و غيارات الأطفال فقط

كل شي لازم وصفة ، اقلهم محتاجة قطرة لقطة يقولون حتى و لو .. المشكلة صايبها فيروس بعينها يؤدي لا قدر الله للعمى ، لي ثلاث أسابيع أعالج عيونها و ما في فايدة ، و لازم تاخذ هذي القطرة اللي فيها كرتزون مع مضاد حيوي شراب

صعقوني بهذا الخبر حسيبهم الله ، أول من يوم يمرض الواحد أرسل مواصلات كريم لاطرف صيدلية بشرية ،

و المشكلة البياطرة غير رسميين ، و العيادات البيطرية في آخر جدة سكة سفر .. أخاف بيوم تصير هي بوصفة

على الأقل البشر يبي يروح أطرف عيادة او مستوصف و يستخرج الوصفة و العلاج من عيونهم

ضايق صدري مرة .. تحملوا فضفضتي و إلا وش فايدتكم أجل

أمزح

بس من حر ما فيني ، و غير عندي أحد الرضع عنده مشكلة كبيرة في الإخراج مع إني ذبحته بسقيا الزيت الزيتون .. ما في إخراج و أنتم بكرامة إلا بوسائل خارجية و أدوات تتعبه و توجع قلبي عليه و أكره نفسي و الحياة أكثر ، غير إنه فقد قدرته على المشي و الله المستعان

حتى أكله صاير قليل مرة بسبب مرضه

دعواتكم

هذا شي و الشي الثاني مريت جبت تموينات البيت أنا و اخوي الصغير و دخلنا البيت على اذان الظهر

ربي يجعل هذا الشهر الفضيل خير من باقي الأشهر و نفوز فيه برضا الرحمن و العتق من النيران

اللهم آمين