|
من يشجعني عادت لي النوبات والخوف من الامراض تكفون لااحد يخليني
السلام عليكم ورحمه الله وبركاته
مبروك عليكم الشهر
وكل عام وانت بخير
انا عضو معكم سابق وحتى رغم انقطاعي الا اني والله والله اني اتصحفح المنتدى
انا استخدم سيروكسات 25 ودوجماتيل عند اللزوم
بعد تجارب فاشله اني اوقف السيروكسات رجعت له للعلم لي اكثر من سنتين عليه هو جداً ممتاز
ولاكن اول شي قريت انه يسبب الانتحار وخطاء الواحد يوقفه نهائياً لو تدريجياً لانه يسبب الانتحار صرت اوسوس قبل كنت افكر اقول معقوله تفكيري صار بالانتحار قبل لا اقراء هذي المعلومه يعني اذا تأملت بموضوع ولا جاء اقول يازين الموت والانتحار البارح كتبت ب تويتر سيروكسات طلع لي تغريده لدكتور يتكلم ان السيروكسات يسبب الانتحار
غير كذا قبل فتره شهر ونص كنت باختبار الجامعه كنت منزل راسي ع جوالي اتصف الواتس جتني دوخه داخل القاعه وراحت ع طول
والبارح بالليل تحديداً رحت بخلص لي شغل داخل محافظه فجئه عند الاشاره ع جوالي بعد مدنق اي منزل راسي اضغط بالجوال جتني دوخه وحراره داخليه بدايتها من البطن وانتشرت بكل جسمي واحساس الانفصال عن الواقع احس كاني غريب بهذا العالم من ستر ربي تحركت عدلت جلستي راحت باقل من دقيقه رجعت ع طول البيت ماقدرت اقاومها علماً من بداية رمضان اكثر دسم وسمبوسه وشكلها تهيج القالون علي عجزت اكل اكل صحي
ولي فترت 3 ايام احس ب الم براسي مثل حجم الفنجال بالجهه اليسرى فوق الاذن اليسرى بشوي خايف اقول شكله مرض خبيث تعبت ياناس
وفيه اخر سؤال
انا من الناس اللي تفكيري سلبي وادور المشاكل اذا توترت يعني مواضيع قديمه احاول افتح مواضيعها وتهاوش مع اصحابها لانها مسببه لي ازمه ومقهور منها حاولت انساها انسى يوم يومين اسبوع اسبوعين علما اني اخذت حقي وزياده والناس ساكتين كخوف والا هم مايعرفون ان فيني توتر او هلع بس مدري احس احط الحره والتوتر فيهم تعبت وبنفس الوقت اذا فشيت ضيقت الخلق فيهم يومين وابكي اتحسف ع كلامي عليهم
احترت الاتمنى منكم توجيهي والوقوف معي
اخيراً: تواصلت مع زملاء موجودين هنا او بتويتر معهم هلع فتره نتواصل ونشجع بعض ثم يختفون ابي شخص لو احس بهلع او اي شي ادق عليهم ويشجعني بعد الله
وانا من تالي مقصر جداً بالطاعه والصلاه والصيام يعني احياناً يجيني ارق فضيع ماانام غير 10 الصباح ثم اشرب ماء من قوة الضماء سامحوني ولااحد يلومني والله اعاني اعاني
|