نفساني - عرض مشاركة واحدة

26-05-2018, 11:39 PM

اقتباس:

المشاركة الأصلية كتبت بواسطة قطرات الندا

هلا وسهلا ابو نجلا الشهر عليك مبارك .. طمنا عليك وعلى ركبتك ونفسيتك ان شاء الله بخير

علينا و عليك مبارك يالغاليه قطرات الندا هلا و سهلا

أخبارك أنتي أخبار العزيزيه و الخبر وين روحاتك جياتك عساك بخير

الركبه و الصابونه و ما أدراك ما العلوم الشيقة الرشيقه ههههههههه

ما عندي غير لا حول و لا قوة إلا بالله و حسبي الله و نعم الوكيل على من تسبب فيني

في جزء ما التئم من الصابونه و أنا غلطت غلط كبير إني أجهدتها بالتمارين خصوصا تمرين الثني و أظن ان اللي ما التئم منه سببه ضغطي على التمرين و الله العالم لا

شريت لي دقيق ( الدخن ) و رسيت عليه الحمدلله طعمه مستساغ و لذيذ غير فوايده الفيتناميه و المعدنيه ما غير أحط منه ثلاث ملاعق إلى أربع و أسكب عليه شوية مويه لين تغدي عجينه و أسفه سف مع ماء لكن الألم لا زال رغم المسكن اللي غيره لي الدكتور لأقوى من الأول هذا غير في إحساس غريب في جزء من الركبه لما ألمس الجلد من ناحيته إحساس يقول إن في شي أنا بس أنتظر يلتم الجرح و يفكون الحدايد عشان أسوي أشعة رنين لأن تعرفين أشعة الرنين تتضارب مع الحديد

الركبه لا زالت منتفخه و خايف يكون فيها سوايل بس الدكتور قاللي هذا من أثر الحديدتين و خايف كذلك من خشونة الركبه لكن أملي بالله كبير إن الأمور تزين

و بعد ان الفخذ نحفت و العلاج الطبيعي حاليا ما غير إشقل الرجل إثن الرجل قلت لهم أركض قالوا لا تركض الحين يعني متى ما أدري شكلي باركض بطونهم و الموعد فاتني حق العلاج الطبيعي و بكره باروح لهم

و حاليا قلت ما راح أثني رجلي كثير و أجهدها مثل أول على أمل يلتم العظم بالكامل و الله يعين

زودٍ على هم الليالي غرابيل :)