|
المواقع العربية سيئة جداً
السلام عليكم
انا من فتره طويله اقرا عن مواضيع الوسواس القهري بالعربي طبعاً .. دائماً اقرأ عشان افهم فيه اكثر لكن كان فيه اشياء كثيره غامضه بالنسبه لي لين جا مره قررت ابحث بالانجليزي ولقيت حالتي تماما كأنه يتكلم عني .. لكن ليش المواقع العربيه مايتكلمون عنها لان حتى لغتي الانجليزيه مو بيرفكت ف الاقي صعوبه في الترجمه احياناً ..
ما ادري هل المشكله فيني يعني ما عرفت ابحث
او المشكله في المواقع العربيه !!
عموماً قد سمعتوا بهالنوع من الوسواس القهري
False memory ؟؟ انا اعرف ترجمتها حرفياً لكن لما ابحث ما احصل شي بالعربي
وكمان هذي الحالة pure ocd
اما هذي الحالة pocd ما حصلت ولا موقع عربي تكلم فيها بالتفصيل ، لما بحثت عنها بالانجليزي طلع انو النوع هذا من الوسواس شائع جداً وكثير يعانون منه وانا على بالي انا بس
بالله ابغا افهم ليه مافيه مواضيع بالعربي عن هذي الحالات؟
وهذي المصطلحات الانجليزيه لها معنى بالعربي عشان ابحث عنها
ما ابغا ترجمه حرفيه اقصد عموماً معناها بالعربي في الطب النفسي ،
والف شكررر ورمضان كريم علينا وعليكم وكل سنه وانتو بعافيه وصحه وراحة بال ياااارب .
|