|
مشكلتي النسيان وتغير الأجواء
السلام عليكم ورحمة الله وبركاته
اخواني انا صحيت قبل شهرين ويقولون اهلي ان صارلي حادث وكان فيني فتق في الراس مقدار 5 ونص ماكنت ادري عن الدنيا الا كم لحضة بس وكأنني في غيبوبة واخذت على الحال ذا شهر و20 يوم المهم صحيت الا ناسي اشياء كثيرة حتى المقاطع في جوالي اشياء كثيرة ناسيها والدنيا متغيرة 180 درجة حتى صرت افكر ان اللي قدامي كله كذب حتى اخوي يقول لي انه رايح الدمام وانا ماذكر انه كان بيروح حتى رحت لأماكن في الرياض قبل كنّت اعرفها لاني شغال في اوبر لكن اللحين ماعرفها مع ان ذاكرتي الحمد لله مافيها شيء وايضاً احس الأجواء متغيرة قدامي مادري هل هو نسيان ولا ايش وانا يوم صحيت كنت اكل زيبريكسا وديباكين مع ان الحمد انا ماكان فيني ذهان ويوم تركت الزيبريكسا اخذت يومين بديت احس في الحياة الحمد لله هل الزيبريكسا تسبب الاحساس يكون كذا لغير المصابين بالذهان ؟ ويوم تركته صرت افكر مرة في حياتي قبل الحادث ومرة بعد الحادث الان سؤالي وش اللي فيني ليش انسى هل فيه نسيان كثير بسبب النفسية ؟ هل اللي فيني اكتئاب حتى الذكريات اكثر شي اذكر اللي بعد الحادث والذكريات ماذكرها بشكل كامل مثل قبل مثلا المعلومة قبل كنّت أتذكرها بشكل كامل اللحين لا ناقصة
وشكرا
|