السلام عليكم ورحمه الله وبركاته

اخواني المتخصصين في علوم النفسيه
ا
ولا

حبيت اعلمكم في مشكلتي صارلها تقريبا معاي 8 شهوور انا والحمدالله متزوج وعايش حياه سعيده والحمدالله هذا من فضل ربي بس مشكلتي هيه الخوف من الجن والحمدالله اني ماعمري صارلي موقف معاهم ولا شي بس مادري في يوم وليله صرت اخاف منهم يعني دايم افكر فيهم يعني في الليل اخاف منهم ولا اقدر انام لو حدي بالغرفه بليل بس بالنهار اقدر انامرات
وصرت كل مادخل يكرم القارئ الحمام افكر فيهم يعني قمت اعاني من هذي المشكله بس اول ماصارلي الخوف كنت احس متضايق حيل حيل بس من قريت عند شيخ وعلمني شويه وريح قلبي ارتحت بس انا خايف انها تكون معاي طول العمر واول ماقرا عند الشيخ يقولي مافيك شي لا عين ولا حسد ولا انك ممسوس في الجن يعني انت انسان طبعيمافيك اله العافيه بس والله احسن اني غير مرتاح في هذا الخوف يعني ماقدر اروح لوحدي الي مكان بعيد مثل مكان في شارع ضلمه وطويل وكنت قبل لايصير فيني الخوف عادي اروح هذا المكان ولا عندي خوف فيه
بس والله تعبت منها كثير من الخوف وادري وعندي يقين انه مايصير لك شي اله انه الله سبحانه كاتبه لك يعني بس احس اني ماقدر اني اسيطر على هذا الخوف مادري شنو حل هذي المشكله
والله والله اني تعبت منها حيل يعني انا من هواة الصيد والله الحين اخاف اني اروح البر معه اصحابي لنه اخاف منهم واخاف من الليل يعني صارت لي عائق كبير في حياتي لاني قادر انام لوحدي ولا ني قادر اروح للبر يعني الضلمه دايم افكر فيهم واذا كنت لوحدي افكر فيهم بس الحين الخوف مو كبير عندي يعني خف الخوف معاي بس الضيقه بالصدر للحين معاي يعني اذا مافكرت فيهم اعرف اسولف معه اصحابي ومعه اهلي واذا فكرت فيهم احس اني ضايق صدري يعني نوع من الخوف وكنت قبل لايصيبني الخوف من الجن كنت اخاف منهم قبل بس مو مثل الخوف الحين يعني الخوف الحين قوي معاي لاقدر اسيطر على نفسي يعني قبل انام بليل عادي ولا افكر فيهم الحين دايم افكر فيهم وارجو مساعدتي بهذا الحل

ملاحضه

اخواني الذينه لايقدرون على حل مشكلتي ارجو منهم ان لايفتون لي لنه بصراجه انا رب اسره

وقاعد احاول اني اعالج نفسي بنفسي وارجو من المتخصصين ان يساعدوني بسرعه

وصدقوني اني متوكل على الله اولا وثانيا المتخصصين في هذا المنتدي الطيب وعسى الله يحتب لكم الاجر

ملاحظه ثانيه انا الحين انسان طبعي بس مشكلتي الخوف من كذا شي

اولا الخوف من اني انام لوحدي

وثانيه اني اروح للبر معه اصحابي

وثالثا اني دايم كل مادخلت الحمام افكر فيهم

رابعاا اني احس متضايق اذا فكرت فيهم

وخامسا اني اخاف من الضلمه شويه مو كثير

وسادسا احس انه الخوف سيطر على عقلي كثيراا

هذا الي احس فيه حالياا بس اذا كان معاي احد لا ماخاف حيل خوفي يصير حفيف مو قوي مثل ماكون لحالي


وارجو من كل يقرا هذي الصفحه يدعولي بالشفاء العاجل

ولاحوله ولا قوه الله بالله

اخوكم المحب

المصدر: نفساني