07-06-2018, 01:59 AM
|
#23
|
|
عـضو أسـاسـي
|
بيانات اضافيه [
+
]
|
|
رقم العضوية : 57975
|
|
تاريخ التسجيل : 12 2017
|
|
أخر زيارة : 16-09-2020 (06:24 PM)
|
|
المشاركات :
1,254 [
+
] |
|
التقييم : 11
|
|
|
لوني المفضل : Cadetblue
|
|
هلا بك انسانه ثانيه
قانون الحذب ياطويلة العمر بما معناه واختصارا له هو التفاؤل وحسن الظن بالله لكن المدربين وفيلم وكتاب السر بالغو بزياده فيه .
المدربين بالدورات يقولون مثل اتمنى واعمل تمرين ١٤ × ٢١ ويتحقق لك كل اللي تتمناه ويقول كل يوم اكتب اهدافك بورقه هو صحيح اذا برمجت عقلك الباطن على الايجابيه راح تتغير نظرتك للامور وليس الامور تتغير عشانك اللي يغير هو الله فقط لاغير .. كثير يردون علي يقولون نعلم ان الله هو اللي يقدر الاقدار ولكننا في قانون الجذب نتعلم التفاؤل وحسن الظن .. انا برأيي ان حسن الظن مايحتاج كتب ولا دورات وكلها تدور بنفس المعنى مع زيادة تأميل الانسان ولو ماحصل غلى الهدف جاه احباط وشك بالقدر والحياه كلها .. يمكن انتي او انا اقوياء كفايه لكن غيرنا ضعيف جدا وعلق اماله على هالدورات وقانون الجذب وبالاخر دخل نفق الاحباط والاكتئاب والسلبيه .
الانسان عباره عن فكره تولد مشاعر تولد سلوك المفروض على الانسان من يصبح يوكل امره لله ويحسن الظن ويسعى ويترك مالله لله .
الحياه بسيطه جدا ومعقده جدا وعلينا كبشر ناخذها ببساطه ولما تقسى نلين وننتظر ونهدأ لين تعظي المرحله المتعبه لكن مافيه انسان سعيد على طول او تعيس على طول .
نحمد الله على النعم اللي عندنا وندعوه ونتوسل اليه ان يحقق لنا مانتمنى ويكون عندنا يقين ان الله راح يقدم لنا الخير سواء بما نتمناه او عكسه لانعلم وين ربي يكتب الخيره .اسأل الله لي ولك وللجميع السعاده والطمأنينه وراحة البال
|
|
|
|