المشاركة الأصلية كتبت بواسطة فهدوووودييينني

بسم الله والحمدلله علئ كل حال معاكم اخوكم فهد ابلغ من العمر 26 سنه بقولكم اسالفتي مع الهلع السخيف الخفيف اللطيف 😂😂😂 بدايه مع المرض او بالاخص اول نوبه هلع. حصلت معاي وانا كنت توني طالع من النادي ومخلص تمرين واموري طيبه وفجاه وانا راكب السياره حصل معاي سرعه بداق القلب بشكل مريع وسريع جدا جنه واحد يطبل علئ قلبك😂😂 وماقمت احس بيدي وتعرفون انتو اعراضها كامله ومن اول ماصارت لي وانا وضعي من سيي الئ اسوء وانصدمت وانا لاعب ملاكمه وبكامل عافيتي يعني ولا ادخن ولا شي بس ما دري شنو اللي حصل 😂😂 ضعت وقتها وصكتني خوف شديدددد جداا وتمكنت مني نوبات الهلع وقعدت بالبيت بالاخص قعدت بغرفتي مايقارب اكثر من شهر وانا فحاله صدمه وطبعا وقتها كنت محتاج حق امي انها تكون يمي ولاكن كانت بره الديره مسافره مع اخوي وخالي والله ياخواني وخواتي قلب الام ماكو مثله تخيلو ردت من السفر وخلت وناستها وردت والله فديتها والله يحفظها ويحفظ جميع المسلمين وتعبتها حيل معاي وطبعا نكمل ابتدا مشوار من مستشفئ الئ مستشفئ من عياده الئ عياده لمده 3 شهور وطاح وزني ولا لي نفس اكل والا انام تخيلو ما انام يوم كامل واليوم اللي بعده انام ساعه ولا اكل ولا شرب. ولا شي فا قررت الوالده مع اخواني يودوني للشيخ يقرا علي وقالولي مافيه اي شي وانا ريال مثل عامه المسلمين اصلي واقضي فروضي واهني امي احتارت فا يوم من الايام كان هناك زميل لامي بالدوام واهي مداومه قالتها والله ولدي فيه حذي وجذي فا اهو ريال متدين وانصدم من امي وضحك وقال لها اصلا هذا مرض عادي وخصل نفس الموال لاخوي وقال لامي علاجه نص حبه طبعا عطاه المختصر قال اخوي يحظني مايبي يفارقني واهو ابو عيال من نوبات الهلع فا طارت فيني للدكتور الله يذكره بالخير اسمه خالد الصالح في الكويت طبعا وتعالجت الحمدلله ولاكن بعد فتره علاج سنه ونص تقريبا قررت اني اتركها من نفسي قلت هاذي تمثيليه وتعدي وتوكلت علئ الله وقطعها بدون استشاره بس كلمت الدكتور بالواتساب قلتها بتركها قالي ما انصحك قلت انا علمتك وجزاك الله خير طبعا قطعتها ونسيتها تخيلو مر الاسبوع والثاني والثالث والاشهر والله اذكرها بسنه. 2017 بالشتاء حصلت معاي وانا مسافر تخيلو وانا توني واصل للديره واحنا نازلين حصلتلي عند المظيف اللي بالطياره وانا اتمالك نفسي وصراحه ماقدرت المظيف كان متفهم خذاني بعيد عن الناس وهداني ويطالعني يقولي شفيك لردني اعتقد المظيف الله يجزاه خير والحمدلله عدت ومن يومها تييني وانا اطنش كذا مره والحمدلله للحين اموري طيبه ومرتاح ويتلي اخر مره وانا اسوق سياره يوم الاحد وانا طالع من الدوام وتمالكت نفسي والله العظييم تمثيليه ياخواني وخواتي خلها تحتويك اذا يت وتروح علئ طول وبس واي استفسار انا حاضر