|
اول مشاركة لي..تكفون طمنوني!!!
السلام عليكم جمعيا..
هذي اول مشاركة لي فهالمنتدى ولكن انا اعرفه من زمان ادخل اقرى المواضيع وارتاح انه احصل وايدين يعانون نفسي.
طبعااا اللي عاني منه وسواس الموت .. ماعرف كيف ابدا واكتب.. حتى وانا قاعدة اكتب حاليا حاسة بخوف وافكاااار ..
انا من اربع سنوات صابني وسواس الموت فجاه كنت قاعده ويتني نوبة هلع ومن يومها بدت الافكار وربط كل شي بالموت ونوبات الهلع والاعراض اللي انتم ادرى بها.. المهم بعد سنة من وسواس الموت اختفى وياني وسواس المس .. وسواس الاكل..وسواس النوم.. طبعا كل هذول الوساوس تاخذ شهور وتختفي ..ولكن الططامة الكبرى هذي السنة رجع لي وسواس الموت بققووة رجع باعراض جديدة والله اني بوضع مايعلمه الا الله.. مادري كيف رجع لي بدون حلم بدون شي، بس اول مارد لي كان ع الخفيف بعدين بدا يضخم لين ماوصلت للاسواء.. كل شي اربطه فالموت .
اعراضي هي:
الاحساس بقررررب الموووت هذا كل ماله يزيد .. والحين زايد عللي بشكل لان تيني افكار انه بيصير لي شي قبل العيد. وانا بخوووف والله احس الاحساس قووويي وحقيقي وماقدر اوصفه هذا من احد الاعراض اللي مخوفيني وتيني احاسسيس غرريبة ماقدر اوصفههها تخوووفني !!!
وبعد اربط كل شي بالموت ان حد طالعني ان حد قالي شي خلاص ان سويت شي !
وحتى احلامي الغريبة واللي ماتخوف اربطها فالموت
واحس اني بحلم وغريبه عن اللي حولي ولما حد يكلمني ماركز ودي بس يسكت ماودي اتكلم. انزعج من كل شي!!
وطول يومي بكاااء في بكاااء وتشتد الحالة بالليل بدون مابالغ لي يوميا ماوقفت بكاء قوي من اكثر من شهر،، واحس بكابة قوووية وحزززن!! ودي اصيح على اتفه شي!! وعصبية طول الوقت اتنرفز لاتفه الاسباب،، نوبات الهلع اللي تيني مب قوية نفس بعض الاعضاء مجرد ضيق فالتنفس وتسارع فنبضات القلب واحس بيصير لي شي وتختفي..
الوسواس هذا جدا اثر علي اعتزلت الناس وربعي ودايما يقوولون لي انتي مختفية ومن يقولون جي تعرفون الافكار تلعب لعب ،، ماقمت اهتم بنفسي كنت ايجابية ومتفائلة واقرا كتب لكن اعتفست عفسة بردة هالملعون!!!!ماقدر اخطط لولا شي لساعة جدام ماقدر اخطط واقول بسوي جي!!!
ولكن يا جماعة اكثر شي مخوففني هو الاحساس القوووي بقرببب الموووت كانه صدددق بيصير لي شي ماقققدز اقتنع انه وسواس،، مرات يني الاحساس بدون خوووف وافكر ليش انا مش خايفة اكيد بيصير لي شي!!! ومرات لما تختفي الافكار اخخخاف اقول ليش مافكر اككييذ هاي النهاية!!! تكفون طمنوني انا حتى ماقدر اوصف الاحساس من كثر ماهو قوي وغريب واكثر شي يزيييد مايخخخخف والله اني خاييفة اشوف اللي حولي مستانسين ويخططون لسفر وانا بس اترقب يصير لي شي.
تكفون طمنوني ،، احس اني فاقدة الامل تيني افكار انه انا غير عن اللي عندهم وسواس انا شعور حقيقي والله اني تعبت تعبت ودي ترد لي الوساوس القبلية ولا اعيش مع هالوسواس ..
ومحد يحس بمعاناة الموسوس الا اللي مجربه،، دايما لما بفضفض لحد يستهزءون فيني ويقولون بايدج الشي ..الشي مسيطر علي تماما!!! محد يعرف الا اللي مجرب صدق!!
طمنوني عسى ربي يطمن قلوبكم....
|