المشاركة الأصلية كتبت بواسطة قطرات الندا

ابو مسرييب ياليتك تطيع وتروح لدكتور نفسي وان ماعجبك كلامه اتركه ليش قاعد تعذب بنفسك وكل يوم مستشفى وتحاليل ومتاهات ولا فيه نتيجه ؟
انت عايش قلق والقلق كل يوم يطلع لك اعراض جديده وغريبه تزعجك وتخوفك وتتوتر انت بزياده وتوترك يكون سبب لظهور اعراض ثانيه وثالثه وعاشره .. لاتنتظر اكثر وتدخل بمتاهات ماتعرف تطلع منها روح لدكتور كويس واشرح له حالتك ووفر على نفسك ضياع الايام والشهور وانت كذا تعبان .. والدكتور ماراح يغصبك على شي بالعكس راح يطمنك ويشرح لك حالتك ويفهمك اكثر عشان تطمئن .
الى متى راح تنتظر ؟ لانوم زين ولا حياة طبيعيه ولاتخاف ماراح يجي اسوأ من اللي انت فيه .
والله اني كل ما اقرا مشاركاتك اني اتوجد على حالتك مع اني تقريبا مثلك لكتي استخرت ربي وهداني ربي اني اخذ هالدواء ان نفع الحمدلله وان مانفع جربت غيره فيه الف طريقه وطريقه وغيرنا عانى اكثر مننا وتعافى ورجع احسن من اول .. ابدأ انت بأول خطوه بس
العيد جاي حرام تتعذب كذا ابدا بدواء كود ترتاح وتعيد مع اهلك وناسك براحه وسعاده