المشاركة الأصلية كتبت بواسطة مستكفّة

اللي يسمعك يقول اني جرحتك ولا اذيتك ولا تجاوزت حدي معك في نفسك شي من الماضي هل كان بيننا ماضي يا عالي ؟ ولا عشاني ما تركت الاشراف بناء على طلبك ؟
دايما تلمح على اشياء و امور غيرك بيفهمها بطريقته وانا و الله الشاهد ما كان بيني و بينك الا الاخوه و اختلاف بسيط خلال رسايل خاصه بالمنتدى و بس و تدخلت ظل امراه و الاداره و الاعضاء بيننا و انتهى هالموضوع له سنه ولا سنتين حاول تطهر قلبك الحساسيه ماهي عذر .
عموما اعتقد وجودي هنا بيزعجك و بيقلب مواجعك اللي ما ادري ايش مصدرها و ايش اللي اقترفته حتى تشيله في قلبك كل ذا رغم انك ما قصرت تجاهي ولا فكرت احاسبك .
انا ما اشيل يا عالي في قلبي مثقال ذره على احد و عمري ما حطيت راسي على مخدتي ودعت يومي و انا زعلانه او كارهه او غضبانه من احد لان الحياه ما تسوى لكني اتعلم من المواقف و احذر من الناس و احرص ان ما تنعاد لحظه الم او حزن عشتها كل ما في قلبي الخير للناس فقط ابغى الجميع حولي سعيد و مبسوط و مرتاح انا ماني متواجده هنا للمشاكل ولا لاني مريضه محتاجه لاحد هنا انا داخله اذا عندي خير قدمته حتى لو دعوه من حرف واحد و للاسف وجدت من يجرح هالنيه الخالصه لوجه الله و الهدف الطيب اللي اسأل الله تعالى وحده انه يجازيني عليه و يجبر خاطري فيه .

اذا وجودي يزعجك اعمل نفسك مش شايفني لان اللي جوتك انا مش حاعرف امحيه الله يكفيك هالمستكفه بخيرها و شرها .

كل عام وانت بخير .