نفساني - عرض مشاركة واحدة

18-06-2018, 06:27 PM

اقتباس:

المشاركة الأصلية كتبت بواسطة عيون متفائلة

أبو نجلا الله يوفق اخوانك و أخواتك و يوفق جميع المسلمين

بعدين الزواج مو كل شي

أهم شي الصحة و راحة البال و قبلها رضا الرحمن

بعدين ما كل باب انقفل على إثنين معناه عايشين الرومنسية و الانسجام ، يا كثر الأزواج اللي متحملين بعضعم عشان عدم شتات الأطفال

الزواج زي القلعة كل اللي دخلها قال ليتني ما دخلتها و اللي خارجها يقولون متى ندخلها

طبعا مو كل من دخلها تمنى عدم دخولها ، لكن قلة القلة الموفق و السعيد و الراضي بشريك حياته

يمكن عشان ما تزوجت تفكر إنه سعادة ، أنا كذلك قبل ما اطيح على خشتي كنت أحسبه كذا ، لين طاح حظي و هربت

عندي أقعد بدون زواج و لا أعيش التعاسة أعوذ بالله ، و لو فكرت و لقيت المناسب تكون العصمة بيدي ، ما ودي اتمرمط بالمحاكم مثل ما تمرمطت من قبل حتى استخرج صك الحرية ، على قول أخواننا المصريين : موت و خراب بيوت

ترى التوفيق و التوافق أهم شي ، الغربة بين الزوجين قاتلة ، لدرجة تخاف تتكلم و يفهمك غلط و تصير مشاكل تصدع رأسك أنت في غنى عنها ، و أن تكلمت يتم تفسير كلامك بمليون طريقة و تظل طوال الوقت متهم و طوال الوقت تبرر و تدافع عن نفسك .

أبوها عيشة اللي زي كذا ..

لذلك الوحدة خير من شريك السوء

قبل فترة قصيرة برمضان ، يوم كنت أراجع بالقط اللي دمر السباك كلاويه عامله الله بعدله و أنا اتكلم مع الطبيبة الفلبينية ، تقلي خلاص يا بسمة زاد عليك الحمل و زاد عدد القطط قلت مو بيدي ما أقدر أشوف حالة ما تنتظر و ما اسعفها ، قالت أنت زي خالد ، قلت مين خالد ، قالت خالد أمير طوال ما هو مار بسيارته يظل يجمع القطط و يعالجها و يجي عندهم العيادة ، تقول لدرجة ممكن يدفع خمسة آلاف إلى عشرة آلاف في زيارة وحدة ، و تقول متبني آلاف القطط و الكلاب المشردة الله يجزاه خير في مزرعته ، قلت ماشاء الله تبارك الله معقول فيه ناس خيرين كذا ، و أضافت قائلة و هو غير متزوج و عمره في الاربعينات .

سبحان الله شوف يا خوي أبو نجلا ، وش ينقصه حتى ما يتزوج غير النصيب و التوفيق

آخر مرة جلست مع الوالد بالغلط و فضفضت له قاللي تدري يا عالي جوني ناس و قالوا كيف حال عالي هو يبي العرس حنا ودنا به قال و الله ما أدري عن حال الولد قالوا حنا ننشدك عنه قالوا لا تنشدوني عنه إنشدوه هو ..

أقسم بالله بط مرارتي ليتني ما جلست معه هو ساس كل بلاويّ طلبته بتزويجي أيام الثانويه ثم في الجامعه ثم بعدها طلبني واحد قال كلم أبوك و نزوجك كلمت الوالد قال دراهمك ما تكفي !! الله أكبر باني ست عماير غير العماير اللي يبنيها و يبيعها و آخر شي يقول دراهمك ما تكفي و تزوج الثانيه و خلف أربع فعلا ذا الآدمي أناني ما همه إلا نفسه

أخواني كلهم ساكنين في عماره من عمايره و عايشين الرومانسيه لما يجون البيت يضحكون و يلعبون و بشوشين و عيالهم يسرّون العين الله يخليهم لأهاليهم

الرجال اللي تقولين عنه ما عانى مثل معاناتي و معاناتي بدأت منذ البلوغ بسبب شيء ما أريد أقوله لأنه هو اللي بهذلني و بهذل حياتي و أصلا حياتي مبهذلة من يوم كنت طفل مع هذا الوالد ليتني مت قبل لا أشوف الحياة إللي فيها ذا الوالد الجلف الصلف

لا و بعض المرات يرد علي يقول وش فيك منطوي تعال إلتم معنا تغد معنا تعش معنا ترانا نحبك ربعك يحبونك . صحيح أهلي يحبوني بس أنت نصاب ما همك إلا روحك و العمارات اللي تبنيها و مستانس مع زوجتك الثانيه و عيالها

كنت أيام الجامعه كنت أسولف مع واحد قاللي تراني متزوج قلت من وين لك دراهم قال أبوي زوجني و سكني في الملحق . هذا الأبو اللي يخاف على ولده و يحب لولده ما يحب لنفسه مو مثل أبوي همه نفسه خلاص أنا طابت نفسي من الزواج لكن تجيني أوقات أغص غصه قويه من الدمار اللي خلفه لي أبوي الجلف

وش قال قال يحبني إيه هين كلام من دون فعل

عن الصحة و الله يا بنت الحلال صحتي كل مالها تنقص بطاريتي كان بيشحنها الزواج لكن مافي زواج يعني الشحن كل ما له ينقص و البال هذا هو البال أساس البلا كله كآبه و حزن و وحدة موحشة مظلمة قبيحة خبيثة