نفساني - عرض مشاركة واحدة

30-06-2018, 04:57 AM

صباح الخير

ما ادري من وين ابدا بس دحاول
انا شب عمري ١٩ سنه
مشكلتي كلها من ابي
شخص قاسي و انفعالي وعصبي ومن بين كل العيله م بيلاقي احد يطلع في غيضو غيري
مع انو انا اكثر شخص بالبيت اتحاشى التصادم معو بأي موقف
ابي انسان لو منصبو وعمرو
لكن تصرفاتو معي انا بالاخص بتحسسني وكنو خريج حبس
و مصايب
اسلوبو تكسير طول الوقت فيني وقدام الاقارب و الاهل وحتى رفقاتي
وبيرمي حكي بيجرح اوقات
انا الله بيشهد انو قلبي معبى منو
اوقات بصير اسب في وارد واشتم
الاقيه صاير مثل جهنم قدامي فبسكت
بس اسمع حسو بالبيت بروح انام
انا بعمري هاد ويقنن طشاتي مع رفقاتي
لدرجة وصلني حكي من واحد منهم يقلي انو جينا عداركم ناخدك بطشه راح ابوك قلنا روحو جايين توخذو المغضوب عليه بالارض وبالسماء
واوقات يقلي لما اسالو ليش متخليني اطلع حالي حال الشباب
يقلي صير رجال واخليك تطلع
كلام والله مبعرف كيف لهسه م دبحتو
ويلي بيجي ببالي الشي اللي اقدر احكيه واللي ملحق اتذكرو
لانو عنجد تعامله
مع عيلتي وبقية اخوتي وكنهم شي مقدس وحاطهم بعيونو
بس انا من بين الكل اللي ما بسوى صرمايتو
لدرجة مره عملت حادثه
قلي ما خفت عليك انت لو تقعد والا تروح مبتفرق معي
شلت هم الكم يوم اللي بسببك
الناس فايته الدار وطالعه يطمنو عليك
وانا وراي اشغال
ومره انمسكت يومين بسبب الرخصه
وم طلعني غير ابو رفيقي
حتى ابو رفيقي قاعد يقلي الله يهدي ابوك ليش راميك هيك
مع انو الله بيعلم م بقصر معو بشي
ولا بغلط عليه من قد م اخاف منو صرت مبرمج ع مهامي بالدار وحتى حرصي هاد بوكل عليه اسلوبواللي متل الزبالة و الفاظ اتمنى اصير اصم ولا اسمعها

لو بروح لاي حدا من اقاربي اشكيلو بحس بمذله ما للشب
ظهر وسند غير ابوه
اروح اكسر ظهري عند الناس وبأبي ليش ؟؟
بنفس الوقت مو قادر والله استحمل
صرت م اقدر انام بسببو ولا حتى افتح تمي بحرف بوجودو
ولا اطلع م الدار شبر
غير عن مرارة احساسي بس يصير يكسر ويهين فيه قدام رفقاتي او قرابتي بتمنى الارض تبلعني ولا انحط بهيك مواقف
انا المفروض ادرس الجامعه لما اجيت اقلو ع الجامعات اللي بدياها م سألني و لا اهتم برابع يوم من قلتلو
قلي انت اذا صرت مثل فلان وفلان تعال واحكيلي عن الجامعه
صراحه مبعرف بس هالقد يلي فيه ينحكا

المصدر: نفساني