نفساني - عرض مشاركة واحدة

30-06-2018, 06:40 AM

حياك أخونا

هو صحيح كل المشاكل النفسية سببها الوالدين و التنشئة ، لكن انت بالرغم من ذي المصاعب اثبت له العكس ، حاول قدر المستطاع إنك ما تنهزم ، اعتبر نفسك في معركة ، و لازم تكون انت الكسبان فيها ، ترى في كل بيت ابن مغضوب عليه من أحد الوالدين او كلاهما ، ما تعرف وش السبب ، هل هي عين او سحر تفريق ، او ابتلاء ، مع إن هذا المغضوب عليه اكثر واحد غلبان و واضح و يباري الساس على ما يقولون و قد يكون أرحم الأخوان على والديه .

بس كذا ، و لو تدور على السبب راح تتعب ، لذلك لا تشغل نفسك بالأسباب

خلك قريب من ربك هذا أهم شي ، لأن بيده تسخير كل شي أمامك بما فيهم والديك ، و ثابر على رضاهما لأن هنا التوفيق في الحياة الدنيا و الآخرة .

و راجع سلوكياتك الدقيقة مع الوالد ، راقب نظراتك و انت تكلمه و نبرات صوتك ، يمكن أنت توصله رسالة مبطنة من خلالهما بدون قصد إنك متضايق منه و ما تحبه ، فهو بالتالي ينقهر إن كيف ولده كذا ما يحبه و لا يحترمه و يزيد قسوته عليك ، عادي خليه يتكلم و عيونك في الارض و كلمة حاضر على لسانك ، لا تجادله الجدل يتعب قلبه و يخليه يتضايق منك زيادة و مدخل للشيطان يشعل الفتيل ،

قبل راسه و يده كل ما دخل ، خلك يده اليمين ، اتصل عليه قله محتاج شي تبي مساعدة ، معليش اردم جروحك السابقة ، ترى ما في اب يكره ولده ، لو يكرهه ما صرف عليه و ضمه داخل جدران بيته ،

و الشيطان هذي فرصته يضخم الامور قدامك و قدامه و يزود الفجوة بينكما ،

انت بعمرك هذا تقل قدرة تحملك المعنوية ، و كل شي تضخمه و تفسره بسلبية لأنك بتكون حساس ،

و العمر ان شاء الله قدامك طويل ، مو معقول تبداه بفجوة بينك و بين والدك اللي من أسباب دخولك الجنة رضاه عليك .

أسأل الله الكريم أن يشرح صدرك و صدر والدك و يرزقك بره و رضاه و التوفيق في حياتك