لا احتمل

بيانات اضافيه [ + ]

رقم العضوية : 58968  تاريخ التسجيل :  06 2018  أخر زيارة : 06-01-2019 (03:19 AM)  المشاركات : 3 [ + ]  التقييم :  10

لوني المفضل : Cadetblue

بعرف انه باب م الجنه بس هو ما بيعينني على بره
انا ما حكيت لو ما كنت فعلا جربت معو كلشي
بدون سبب الاقيه معصب وزعلان وعند غيري بيعطيهم الوجه الراضي
واكثر اشي بيقهرني لما اشوفه بينصح رفقاته كيف يتعاملو مع اولادهم وانهم لازم يعتبروهم رفقتهم ويتقربو منهم
في مقابل اشوف هالاشي مبيطبق معي
غير عن انو انا ممكن اطنش ضررو معي واسلوبو
واتعامل وكنو بيعملش شي معي
بس انا برضو انسان ولي صبر
خصوصا لما يكون اسلوبو متفرد معي انا بس
بدون ميكون تعاملو بنفس الطريقه مع اي حد
بالبيت او برا
حتى المساحه اللي ممكن اتنفس فيها من طشات ولمة رفقه واصحاب
صار حارمني منها تماما
طول الوقت مضغوط منه حتى صار يلبسني شغلات مبعملها
وجوالي بيده من وقت لوقت يعني عيب بهالعمر وتشك فيني
شو بيطلع مني والله يا مزح بيننا يا الشباب بالقروبات امسحه ع انه مافيه اشي بس لانو اعرف اسلوبو بيطلعليمن تخت الارض غلطه
صرت اتحاشى اي شي يثيره علي
يجو رفقاتي يطلبو ارسلهم شي ضاع منهم اقلهم والله مسحته
ليش بالله عشان ابوك
حتى لو اعطيتهم مليون عذر الا ما يجي اليوم اللي يعرفو فيه
انه انا قاعد اداري بس
طب شو ذنبي انا بهاض كلو