نفساني - عرض مشاركة واحدة

06-07-2018, 03:13 AM

إضطراب وجداني يعني أختل عندك الوجدان و غالبا يجي من أثر الصدمات تضحكين من شي ما يضحك تبكين من شي ما يبكي و قصته طويله عريضه ..

أنتي قريتي إللي أهديته لك ( رحل أبي ) حقيقة أنا لما قريتها غصيت بالدمعة تذكرت أبوي مع إنه حي و الله إني أحب أبوي لكن ما أدري وش البلا ربما من قسوته لي و عدم تكافؤي معه عقلا و حسا أحسه يضحك بوجيه الأجناب و يهش و يبش لهم أكثر من عياله و خصوصا أنا نعم فيه شده و عنف لكن أيضا فيه رحمة و لطف لكن شدته و عنفه أنستني رحمته و لطفه و أفقدتلي عقلي معه و معي أيضا الله يسامحه و يبيحه و يعيني على بره و بر أمي أيضا

من ناحية العلاج مثلي بالضبط أنقهر لما آخذها بس وش نسوي مقدر علينا خصوصا أدويتي النفسيه يجيني قهر عليها مو بسيط لأن مفعولها أحسه راح و الأيام الماضيه بهذلتني بغيت أنتحر يا شيخه لولا الله ثم هدايته لي رحت للصيدليات
أقولهم عن علاج و إسمه معي ضروري و في الحال ما لقيته إلا بصيدلية يقال عليها الهلال و الحمدلله لي الآن ما يقارب الأسبوع و بدأت تتلاشى الفكرة و يا رب ما يروح مفعوله و يبقى معي دوم و لا يخون العهد بيني و بينه و أروح وطي

أفهم يعني إن ما في البيت إلا أنتي و الوالدة فقط

الله يعينك يالغاليه و سلامتك من كل شر