نفساني - عرض مشاركة واحدة

10-07-2018, 08:50 AM

السلام عليكم

أسعد الله صباحاتكم و جميع اوقاتكم بكل خير

مشتاقة لمجلسكم لدرجة فيني كلام ودي اكتبه يبي يجي الظهر و انا ما انتهيت منه برغم انشغالاتي

المرض قاعد يحصد في حبايبي الضعوف لدرجة وحدة منهم توفت اول امس و لها قصة مع العيادة اللي وديتها لها حسيبهم الله كانهم ضروها ما نفعوها عمرها ثلاث سنوات حبيبتي يا بنتي عشرة عمر

هي خوافة مرة تسلطوا عليها و اطردوها من اكثر من عام و كانت تخاف يطاردونها لادخلت البيت ، فصارت تاكل من اللي أضعه لحقين الشارع داخل الحوش و مشت الايام و كانت صحتها زينة طول بعرض ماشاء الله من القطط الضخمة

و فجأة من شهر قاعدة اشوفها تضعف بس قلت كيف اداويها و انتظم في علاجها و هي زابنة برا

ما تجي ضعيفة غير العصر تاكل و تمشي

و سبحان الله من نفسها من ثلاث أسابيع ادخلت البيت ، و الغريب ما أحد كلمها منهم و لا هشها ، يشهد الله انهم أحن البشر لاني الاحظهم الصغير و المريض ما يقربونه

مع انها حاولت قبل كم شهر يوم كانت بصحتها تدخل تجمعوا عليها و اطردوها

المهم قامت تتودد لي و يوم اجي انام تنسدح جنبي بس يوم التفت عليها ابمسكها تشرد

فيها روعة من البشر و القطط ، و الغريب ما كانت تقرب مني ذيك السنين ابد غير يوم مرضت الحين

انا حاطة لي غرفة خشب مترين بمترين لي فيها سرير معدن صغير اوقات انام فيها و يجون يتسدحون حولي حتى يخلوني كبري يتنقلون من خلالي

حاولت الاسبوعين اللي راحت اصيدها ما خلتني غير من أسبوع بعد ما خارت قواها من المرض و حطيتها في قفص و قمت اغذيها رغم عنها و أعطيها فيتامينات بس يوم شفت وضعها زاد و ما هي راضية تاكل سألت منقذات القروب قالوا فيه طبيب جيد بعيادة و اسعاره معقولة ، بس قالوا ما هو مطول مسافر بلده خلال اسبوع اسبوعين نهائي و يبي يغلق عيادته

للقصة بقية تعبت يديني من الكتابة