نفساني - عرض مشاركة واحدة

10-07-2018, 09:09 AM

المهم قلت بنفسي دامه مسافر نهائي اكيد يبي يجمع قرش على قرش بأي طريقة و ما يهمه من احد يشكيه على وزارة الزراعة لانه رايح

سبحان الله و صدق ظني

اول ما وديتها حتى ما طالع فيها زين و لا وزنها و لا قاس حرارتها بس طالع بفمها و قال ذي ما بها مرض فقط تحتاج خلع اسنان

قلت متأكد ما فيها مرض لانها ما تاكل ، قال كيف تاكل و اسنانها تعبانة

قلت طيب ما راح تتحمل البنج لانه قال يبي يبنجها بنج كامل

قلت يا دكتور مرة هزيلة ما انت شايفها عندها جفاف عشان ما تاكل لها فترة طويلة و للحين ، طيب عطها مسكنات و مضاد بعدين اجيبها لك لما تتحسن قال لالا ما يحتاج ، قلت طيب مغذي محلول قبل العملية قال لالا ، و انا قلبي يرجف ماني مرتاحة

قمت ذكرت دعاء الاستخارة و انا واقفة مكاني و قطع علي دعائي و قال ادفعي ثلاثمية و خمسين ، قلت هذي منقذة و قالوا لي ان اسعارك مناسبة و فيه خصم للانقاذ ، قال انا اصلا معاملها إنقاذ

مع اني قبل كذا خلعت ضروس قط في عيادة محترمة و أسعارها أصلا غالية ما اخذوا مني غير ميتين

واضح الله لا يجعله يصل سالم انه بيموت على الفلوس و صدق ظني خطفها خطف من على الطاولة و قعد يعدها زي المجنون جعلهم يعددون عليه

و بنجها و سوى لها العملية و انا على اعصابي ، خرجت و تنفسها بصعوبة تلقطه مخدرة و جسمها ثلج ما فتحت عويناتها مبنجة ما يمديني رحت البيت و حطيتها في قفصها و بدلت ملابسي الا رجعت لقيتها ميتة

و فوق ذا خرجت من عنده تنزف دم من أسنانها مو راضي يوقف ، غيرت لها مفرشها هناك و غيرته و انا في السيارة و غيرته مرتين بالبيت قبل تموت

بالرغم انهم كانوا يخلعون أسنانهم ماشاء الله تبارك الله بدون نقطة دم

قلت له مريضة ما راح تتحمل بنج ، قلت له عطها مغذي شوف كيف تنزف قال ما يحتاج حسبه الله و نعم الوكيل ياخذ حقها منه في الدارين

الشاكر معجب بهذا