نفساني - عرض مشاركة واحدة - :-[ هطول الثلج على وهج النيران ]-:

11-07-2018, 08:51 AM

ياهاجسي متى يطيب الحظ وتزين العلوم
ويرتاح بالي من غرابيل الليالي والدهر

وياحظي النايم متى تصحى من النوم وتقوم
ومتى على الله نستريح من العذاب ونستقر

وشفيك ياحظي تعاندني ليا حان اللزوم
ماعاد لي طاقه مدامك في عنادك مستمر

مغير انا وانت نتجاهد كل ليل وكل يوم
انا ليا سندت فوق انت تجيني منحدر

انشهد اني صرت بيت للمشاكل والهموم
واصبحت ياحظي محل للغرابيل ومقر

لكن تعلمت وعرفت ان العوافي ماتدوم
وان الفرج مايأتي الا من بعد جهد وصبر

بصبر وما الكايدات الا قويين العزوم
بصبر عسى بعد العسر والهم والضيقه يسر

وختامها يالله انا طالبك يارب رحوم
انك تـــزينـهــا ياربــي يالعزيز المقــــتدر

ظل امرأة معجب بهذا