المشاركة الأصلية كتبت بواسطة عيون متفائلة

إذا شغالين حصد في ارواح البشر عشان عطوه ابرة في الطوارئ ما ناسبته بدال يسوون له قبلها تحليل و هذي تحصل كثير ، اخرهم بنت جيراننا الله يرحمها صغيرة ما كملت سطعش عشان الآلام الشهرية تجي قوية لدرجة تطرحها راحت طوارئ عشان ابرة مسكن اللي متعودة تاخذها كل مرة ، و يغزونها ذيك الابرة الخطأ قضوا عليها ما خرجت من عندهم غير جثة هامدة ، مع ان عندها ملف و عارفين نوع الابرة اللي تاخذ لكن الاستهتار مشكلة و هذا اللي دهور المرأة اللي خلدت بالنار يوم استهترت بقطة ضعيفة و حبستها الى ان ماتت ، مع انها ما كانت مترصدة للقطة و لا هي مستفيدة اصلا من موتها ، بس لانها استهترت و قالت قطة وش يعني ، زي يوم قالوا ابرة وش يعني و حطوا لها محلول آخر ، هم ما هم مترصدين و لا كان فيه ثأر قديم لكنه استهتار و الاستهتار دليل على انعدام الامانة و انعدام الخوف من المطلع على الغيب و الشهادة

المشاركة الأصلية كتبت بواسطة عيون متفائلة

اما بالنسبة للسواقة ابو نجلا ، و الله ودي لكن انت خابر الطواري اللي طرت علي من تالي و قيدتني اعوذ بالله منها ، رهاب الخروج اللي منعني حتى من تأمين التموينات للبيت ، من قبل رمضان ما ظهرت للسوبرماكت ، و الا الوالدة تلح علي يوميا ، غثيتهم بالبانكيك ، كل ما قالوا نبي خبز ، رحت خبزت لهم في دقايق سائل البانكيك و صبيته في الصاج ، حتى صرت اسويه لهم بدون سكر حتى يستسيغون اكله مع الجبن ، الحمدلله ان فيه اجبان طويلة الأجل و تقعد بالاشهر و الا كان امداني رصيت لي بقرة جنب غرفتي الخشب احلبها ، شي فظيع اعوذ بالله مقيدني ، حتى الوالدة قطعت قلبي لقيتها فاتحة مقطع على اليوتيوب تبي تتعلم صنع الجبن عن طريق الحليب تقلي مافي شاش جيبي لي شاش

قلت لو اقدر اجيب شاش كان رحت وفرت الخبز

المشاركة الأصلية كتبت بواسطة عيون متفائلة

انا كان ودي اجيب لي وحدة بمقابل مادي تدربني في ارض فضاء حولنا ، عاد يا كثر الفضاء اللي حولنا ثم اذا تمكنت يصير ما اطول يوم اتدرب رسمي و آخذ الرخصة

الوالدة الله يحفظها كل يوم تقول متى تسوقين يلا روحي تعلمي في المعهد و انا قلبي يرعد بوسط ضلوعي لا طروا لي الخروج

سبحان الله عندي استعداد أواجه خلايق جدد و غرباء و اتجادل الا الخروج

حتى السواقة ماشاء الله تبارك الله ما عندي رهبة منها الا ان احد يقلي اخرجي