نفساني - عرض مشاركة واحدة

12-07-2018, 06:27 PM

مو شرط الناس تدرك معاناتك ، اهم شي رب الناس المطلع على السرائر هو اللي يدرك ذلك و يلطف بك و يهون عليك لين يزيل ما بك بإذنه الكريم

ترى كلن حالته تطرده ، الكبير و الصغير و الغني و الفقير ، الكل مطارد و لديه ما يكفيه و زيادة

هذي طبيعة الدنيا ، الله اللي قال ما هو حنا ، يوم قال إنه خلقنا في كبد ، تراها ما هي جنة ، لو كانت جنة أجل وش فايدة الجنة ؟

حنا في زمن اللي أخبر عنه الرسول صلى الله عليه و سلم إن الواحد لا شاف قبر تمنى يكون مكان صاحبه ، هذا آخر الزمان ، و كله بما كسبت ايدي الناس ، استسهال الذنوب و استساغة مجالسة أصحاب المعاصي ، و عدم انكار المنكر ، لين قست القلوب و تجرأت على كل ما يغضب الله ، و فوق ذا نبيها واسعة مخضرة ، هذا حصاد ما جنينا ، يارب الطف بنا و تجاوز عنا و اهدنا و احفظنا