نفساني - عرض مشاركة واحدة

17-07-2018, 02:10 PM

هلا وسهلا ابو نجلا
ماتشوف شر ياخوي تراي اراقبكم من بعيد واستانست انك امس رحت وتفاعل معك الدكتور ورفع معنوياتك انا حاسه انك انت بالذات تبي صديق وانسان بمعنى انسان يسمعك ويهتم لأمرك ويساندك واحسن من يقوم بهالشي هو الاخصائي النفسي شاب زيك ومايبي منك شي الله يسخر لك اخصائي مخلص في عمله ومايبي الا وجه الله ورضاه .
ابو نجلا لاتهتم من الخمول تتذكر اول ما ابتديت انا بالبرنتلكس كنت اشتكي كثير من الخمول وهدة الحيل عادي كم يوم وتروح .
انا ابشرك اموري ماشيه للاحسن بفضل الله يارب لك الحمد .
تصدق ابو نجلا اكتشفت شي بالمرض النفسي من خلاص عشرتي مع اعضاء نفساني لمدة كم شهر ان الشفاء يعتمد بعد الله على طبيعة الانسان وهل هو شخص متفائل او متشائم انا دائما يقيني ان الفرج قريب وان الدنيا حلوه وبالفعل الاحظها لو تضيق تضيق لابد يجي يوم وتنفرج فيه لكن الانسان المتشائم ماتزين معه ابد .
حط في بالك يابو نجلا انك ماتعلم عن حياتك ولا مستقبلك بعد دقيقه من الان لذلك ثق برب الغيب وتفائل وشوف امور حياتك كيف تبدا تتغير للاجمل ان شاء الله .
انا متفائله لك بخير تدري ليه ؟ لانك تسعى بجميع الطرق انك تطلع من اللي انت فيه وصدقني الله مو مضيع سعيك ابد تحمل شوي بس وبتشوف السعاده بحول الله وقوته .
شلون ببغائك ؟ ياصبرك على الازعاج لو انا شاريته كان فلته من اول يوم 😁😁😁