نفساني - عرض مشاركة واحدة

17-07-2018, 06:41 PM

اقتباس:

المشاركة الأصلية كتبت بواسطة قطرات الندا

هلا وسهلا ابو نجلا
ماتشوف شر ياخوي تراي اراقبكم من بعيد واستانست انك امس رحت وتفاعل معك الدكتور ورفع معنوياتك انا حاسه انك انت بالذات تبي صديق وانسان بمعنى انسان يسمعك ويهتم لأمرك ويساندك واحسن من يقوم بهالشي هو الاخصائي النفسي شاب زيك ومايبي منك شي الله يسخر لك اخصائي مخلص في عمله ومايبي الا وجه الله ورضاه .
ابو نجلا لاتهتم من الخمول تتذكر اول ما ابتديت انا بالبرنتلكس كنت اشتكي كثير من الخمول وهدة الحيل عادي كم يوم وتروح .
انا ابشرك اموري ماشيه للاحسن بفضل الله يارب لك الحمد .
تصدق ابو نجلا اكتشفت شي بالمرض النفسي من خلاص عشرتي مع اعضاء نفساني لمدة كم شهر ان الشفاء يعتمد بعد الله على طبيعة الانسان وهل هو شخص متفائل او متشائم انا دائما يقيني ان الفرج قريب وان الدنيا حلوه وبالفعل الاحظها لو تضيق تضيق لابد يجي يوم وتنفرج فيه لكن الانسان المتشائم ماتزين معه ابد .
حط في بالك يابو نجلا انك ماتعلم عن حياتك ولا مستقبلك بعد دقيقه من الان لذلك ثق برب الغيب وتفائل وشوف امور حياتك كيف تبدا تتغير للاجمل ان شاء الله .
انا متفائله لك بخير تدري ليه ؟ لانك تسعى بجميع الطرق انك تطلع من اللي انت فيه وصدقني الله مو مضيع سعيك ابد تحمل شوي بس وبتشوف السعاده بحول الله وقوته .
شلون ببغائك ؟ ياصبرك على الازعاج لو انا شاريته كان فلته من اول يوم 😁😁😁

هلا بك يا وجه السعد يعلم الله إني أستانس لما أشوف إسمك

الشر ما يجيك يالغاليه قطرات الندا

بخصوص الخمول سببه من النوم ما نمت زين تقولين صاحي نايم

إيه الدكتور قال ما شا الله يا عالي لك موعدين تجي في وقتهم و من بدري قلت له و الله من خوفي على نفسي قال يحق لك و حنا معك حسسني إنه سند و اليوم هذاك اللي بغى ينومني فيه قال أكلم التمريض يعاملونك معاملة خاصة لكن رفضت التنويم حَجرة و سجنه و أنا طبيعتي ما أداني الجدران الأربع و هو بصراحة عطاني دفعة قوية بأني أروح للأخصائي النفسي و جيته اليوم و لقيت منه رحابة صدر بس لقيت كلامه مستهلك يا كم دخلت على إخصائيين نفس الكلام لكني حقيقة فضفضت أغلب ما بضميري عطاني فرصة للحديث و لما جينا عند سوالف الإنتحار ذكرلي قصة قبل أيام و أقشعريت بغيت أبكي و هو حس لكني دفعت البكاء و إستمرينا بالأخذ والرد و قلت له الموعد الجاي قبل ما أجيك راح تكون معي ورقة الفضفضة قال أوك لأن لا زال الخافي أعظم و اللهم يسمع دعواتك و أطيح بأخصائي يخاف الله فيني و يا رب إنه هو

حلو إنك قاعدة تتأملين بالفال الطيب و إن صار ما صار ما راح يفيد الماضي و المستقبل بيزين و الحمدلله على قضائه و قدره و الله إنك صادقة الدنيا حلوة و خلنا نعيش الله يخلينا البرنتلكس يا رب
البرنتلكس أنا آخذ منه 40 ملغ و الحمدلله أحس إني هادي و أحسه فتح شهيتي للأكل الحمدلله ما أدري ليش ما رضى جسمي يتقبل أغلب الأدوية الإكتئابيه منذ فترة إلا على البرنتلكس و لاني بحاكم عليه الحين راح أصبر لين أشوف وضعه معي و يا رب خير لي و لك و الله يفتح لنا الدروب المغلقة و يسهل طريقنا فيها و ييسر أمرنا إنه ولي ذلك و القادر عليه وحده لا شريك له سبحانه و تعالى

اقتباس:

شلون ببغائك ؟ ياصبرك على الازعاج لو انا شاريته كان فلته من اول يوم 😁😁😁

هههههههه و الله يا بنت الحلال ما كنت أصطى أدخل يدي للقفص عليه عض و مو عض و بس لاا يطحن عضته بعد و شريت لي دسوس حق العمال الجلد و باليالله أقطبه و أطلعه من القفص صار لي ثلاث أيام أقطبه و أخليه بيدي و يزاعق صيحته يسمعها اللي بالشارع تخيلي بالدور الثاني و صياحه يوصل للشارع لكن عندي أمل يهدى و يتعود علي أهم شي إنه ياكل فصفص دوار الشمس زين و يروي ضماه زين ما من خوف عليه

و اللي مستانس عليه إن الجروح اللي يسببها لي أحس انها بتريحني أحس بداخلي جروح و الببغاء قاعد ينفضها رويدا رويدا

هو يفرغ لي معاناته معي و أنا أقوله هل من مزيد :)