نفساني - عرض مشاركة واحدة

28-07-2018, 05:58 PM

هلا وسهلا ابو نجلا
ابشرك الامور بخير وغايبه لأن ماعندي جديد او اضافه اراقبكم من بعيد واطمن عليكم .
البرنتلكس رائع بفضل الله حسيت اني رجعت ٧٠ بالميه انا اللي قبل سنه والجاي اجمل بحول الله وقوته .
مواعيدي بكره عندي موعد للمتابعه ويشوف الدكتور اخر التطورات والحمدلله كلها خير بس مثل ماقلت لك ماغير اجتر كني عنز .. ابشرك نومي تحسن مزاجي هادي لا حزن ولا وناسه يعني مستقر يمكن لاني اكره الحر فالمزاج نايم .
ذكرت لك الايجابيات نجي للسلبيات :
الى الان اكره الازعاج والصوت العالي على طول اصدع واكره الغباء يخليني اعصب بقوه مثلا اطلب اكل من مواقع التوصيل يكلمني سواقهم مايفهم بدقيقه اشب نار ودي اكنسل الطلب اكتشفت اني ماعندي طول بال .
وبس ياطويل العمر ماهنا الا الخير .
تابعت زيارتك للاخصائي النفسي وحسيت انك ودك تقوله ماعندك ماعند جدتي هههههههه
طول بالك وانا اختك ولعل الشي اللي نستهين فيه تجي منه نتيجه ودام ان الاخصائي كان مستوعبك كمل معاه ليه لا ؟
تصدق بالموعد حقي اللي راح طريت على بالي وسألت دكتوري قلت له ممكن ان الانسان ياخذ ادوية اكتئاب ولا يستفيد قال نعم اكيد في حالات نسميها مقاومه للادويه لكن هذي لها خطه علاجيه مختلفه وتعطي نتيجه ممتازه .
عاد كنت بقولك وماشفتك كم يوم بالمنتدى .
الله يبشرنا عنك يابو نجلا بكل خير