نفساني - عرض مشاركة واحدة

28-07-2018, 07:06 PM

اقتباس:

هلا وسهلا ابو نجلا

هلا بك و الله يالغاليه

اقتباس:

ابشرك الامور بخير وغايبه لأن ماعندي جديد او اضافه اراقبكم من بعيد واطمن عليكم .

عادي و الله بس غيابك يقلقنا و الحمدلله انك بخير و عافيه

اقتباس:

البرنتلكس رائع بفضل الله حسيت اني رجعت ٧٠ بالميه انا اللي قبل سنه والجاي اجمل بحول الله وقوته .

بإذن الله الجايات أجمل بكثير و الله يكتب لك الخير

اقتباس:

مواعيدي بكره عندي موعد للمتابعه ويشوف الدكتور اخر التطورات والحمدلله كلها خير بس مثل ماقلت لك ماغير اجتر كني عنز .. ابشرك نومي تحسن مزاجي هادي لا حزن ولا وناسه يعني مستقر يمكن لاني اكره الحر فالمزاج نايم .

اممم تقولين ولا وناسه
هذا سلبي

أباكون معك مثل الشمعة اللي تحرق نفسها لتضيء حولها ههههههه

حاولي تستمتعين بالأشياء اللي حولك و اللي يكون لو إنها صغيرة لو إنها مجنونة لو إنها تافهة
مثلا أنتي هنا و شاركتي حاولي تستمتعين بالمشاركة و لا تقولين ما عندك شيء تقولينه هذا أنتي قلتي و تكلمتي و سمعناك و شاركناك و هذا بحد ذاته يمتعك و يقضي وقتك و تحسين بإنجاز و أنتي بهذا الشيء قتلتي وقت الفراغ اللي بيكون من أثره الإكتئاب و أيضا الإكتئاب يخليك ما تشاركين و لهذا قلقنا عليك
حتى لو ما عندك شيء إيجابي بل كل ما فيك سلبي عادي أكتبيه و هذا من باب التفريغ للسلبيه
إذا ما فرغتيه راح يتفرغ بأنواع أخرى كالجرح و القص و الشلخ و الحرق و تكسير اللي ما يتكسر :)

وش رايك صاير شمعة تحرق نفسها رغم إضاءتها لمن حولها :)

و موعدك لا يفوتك

أنتي تقولين تجترين كنك عنز يعني ما غير تآكلين يعني البرنتلكس فتح شهيتك حتى أنا يفتح شهيتي

اقتباس:

ذكرت لك الايجابيات نجي للسلبيات :
الى الان اكره الازعاج والصوت العالي على طول اصدع واكره الغباء يخليني اعصب بقوه مثلا اطلب اكل من مواقع التوصيل يكلمني سواقهم مايفهم بدقيقه اشب نار ودي اكنسل الطلب اكتشفت اني ماعندي طول بال .

أنا بعكسك تماما أحب الصوت العالي بس مو صراخ متجبر لا صوت مثل الضجيج كذا أحس إني حي و موجود على وجه هذه البسيطة
و الله ما صارت لي بسيطة بالعكس صارت صعيبة بس ربك يعين
عاد البسيطة هي الأرض ما أدري ليش سموها بسيطة اممم عشانها مبسوطة طيب و اللي عايش فيها و مو مبسوط وش يسوي

اقتباس:

وبس ياطويل العمر ماهنا الا الخير .
تابعت زيارتك للاخصائي النفسي وحسيت انك ودك تقوله ماعندك ماعند جدتي هههههههه

و الله العظيم قهرتني الأسئلة عاد الأسئلة على ورق و أحلها

اقتباس:

طول بالك وانا اختك ولعل الشي اللي نستهين فيه تجي منه نتيجه ودام ان الاخصائي كان مستوعبك كمل معاه ليه لا ؟

أبكمل معه و الله يعين بس

اقتباس:

تصدق بالموعد حقي اللي راح طريت على بالي وسألت دكتوري قلت له ممكن ان الانسان ياخذ ادوية اكتئاب ولا يستفيد قال نعم اكيد في حالات نسميها مقاومه للادويه لكن هذي لها خطه علاجيه مختلفه وتعطي نتيجه ممتازه .
عاد كنت بقولك وماشفتك كم يوم بالمنتدى .
الله يبشرنا عنك يابو نجلا بكل خير

و إياك يالغاليه قطرات الندا تسلمين ربي يبارك بعمرك
عندي خبر عن مسمى المرض المقاوم للأدوية و هذا يحتاج له مثل ما قال الدكتور خطة علاجية دوائية عبارة عن خلطات مضاد إكتئاب مع مضاد ذهان أو مضاد صرع و ان ما نفع جلسات كهربائيه بس مشلكتنا في السعوديه ما يعترفون بالصعقات الكهربائيه أتكلم لك عن المستشفيات الحكوميه و ما أدري ليش ضاربين المرضى النفسيين عرض الحائط هذا شيء محير خصوصا مع الوزير الجديد للصحة ما شفنا خير من وراه

ربك يعين و الحمدلله على كل حال

ظل امرأة معجب بهذا