نفساني - عرض مشاركة واحدة

31-07-2018, 01:47 AM

قطرات الندا

صاحي من الفجر ( بعد نوم يوم كامل جثة هامدة ) الحمدلله المهم قعدت شويات الا تقولي أختي ودني ع المعهد معهد البسام قلت بسم الله المهم وديتها و أنا أمشي بالموتر إلا و أحس برقلة ماهي بسيطة قلت لأختي إربطي حزام الأمان و وقفت الموتر على جمب و أتفحص التواير إلا طلع واحد منهم متشقق قلت و الله لأمشي بك صابت صابت خابت خابت عاد و حنا مقلعين قصدي مخففين السرعة عشان التاير لا ينفجر علينا و نروح وطي عاد أنا بايعها و ببيع أختي معي ههههههه ما عاد فيني أصلحه عشان ركبتي كيف أنزل و أثنيها ميه بالميه ما تجي الله يعين
المهم وصلتها بسلام الحمدلله

بعدها رحت البنشري و طقمت تايرين

بعدها إنتظرت لين موعدي على الدكتور الساعة 1 دخلت عليه و قلت له كل شي تمام سألني عن الأفكار الإنتحاريه قلت له أبدا الحمدلله بس يتراوح مزاجي بين الصعود و النزول بدون أفكار و هذا أهم شيء قال طيب يعني نعطيك موعد بعد العيد قلت له إي نعم قال و إذا حسيت بأن الأفكار رجعت لك تعال في عيادتي يوم الإثنين قلت له أوكي ما خذيت عنده ربع ساعه ثم طلعت

ثم تغديت في مطعم و في ثنايا أكلي من الغدا إلا و أطالع في واحد كأنه حسين آل لبيد كأني أجزم إنه هو المهم طالع فيني و إبتسم و سلم متى المعرفة يالأخو المهم بسلامته الله يجزاه خير

المهم أختي بغت تقعد بها بالمعهد لكن الحمدلله جابها أخوي

و توته توته خلصت الحتوحوته :)