نفساني - عرض مشاركة واحدة

01-08-2018, 06:24 PM

‎اذا فيه فقرة مايطلبه المستمعون علموني بطلب 😎
‎انا بحاول اجاوب عالاسئله اول
‎مالي وجه اطلب من البدايه😂

انا‎ نومي على السرير حتى السرير افضله مرتفع
‎
هل فراشك مرتب ونظيف ام ماذا؟
‎نظيف ايه بس مرتب حسب المزاج؟
‎صدقا ما اقدر احدد لان ممكن من منظوري فوضوي
لكن غيري يراه مرتب او العكس تماما
‎ وهذا يحصل لي 😅 شكل عندي خلل بالرؤيه

‎هل تحب سريرك ام تكرهه؟
‎احبه واهرب اليه اذا كنت متضايقه

‎كم ساعه في اليوم تجلس علي فراشك؟
‎ مدري صراحه

‎هل تغير مكان نومك ام هو ثابت؟
‎احيانا انام في الصاله على الكنبه اذا فيه ارق
بعدين اشتاق لغرفتي وسريري
‎ ودي اجرب وبشده انام في السطح
بلا سقف في الهواء الطلق واتأمل نجوم الليل
‎ بس اهلي بيجلدوني ويربطوني 😂 ماقد جربت انام بالسطح

‎هل سريرك مريح ام مزعج؟
‎مريح و العله فيني
و مشكلتي الوساده هههه دايم اعاني من الم الرقبه
واعاني من الكوابيس. واحيانا استيقظ وانا. اشعر بالغصه في حلقي واكح
وما اصدق اني كنت في حلم لاني اعيش بالكابوس كانه واقع حقيقي
‎هل تنام في الظلام ام تشعل النور؟
‎الجواب من شقين :
‎اذا فيني نوم ومتعبه وواثقه اني بنام بسرعه احب الظلام والهدوء التام اطفي كل شي
‎ حتى صوت عقارب الساعه ينرفزني اشيل البطاريه 😤
( بعدين شريت ساعه بدون عقرب ثواني حتى ماتطلع صوت)

‎اما اذا كنت احااااول انام وماجاني نوم وهذا وضعي الحالي ارق 😢
‎بهالحاله مااحب الظلام الدامس لاني اهوجس وافكر كثير
‎ومع الظلام الوضع يخوف لازم نور خافت جدااااا وبسيط ما احب القوي. يزعجني
‎واقعد اتقلب بالفراش كأني ربيانه مايجيني نوم مره اختي نامت على سريري ماقدرت تقول ازعجتيني تتحركين. كثير طيب انا وش اسوي ماجاني نوم
‎ و اتأمل الباب و مقبض الباب الذهبي او لمبه المكيف الحمرا
الان وضع المكيف اختلف صار فوق راسي ما اشوفه فصرت اتأمل ابعد نقطه وزاويه عند الباب
‎ واقعد فتره بالساعاااات ما يجيني نوم
‎فأضطر بهالحاله اشغل التلفزيون واقصر عليه جدا واتفرج لين انام
‎او اقرأ واقرأ اتصفح بالجوال بانتظار وصول الموته الصغرى

‎هل تنام في الهدوء التام ام تشعل تلفزيون مثلا؟
‎وضحت فوق بالتفصيل
‎انا عندي تلفزيون بالغرفه وجوده بالغرفه ضروري

‎هل توجد اصوات من الخارج تزعجك مثلا كلب عند الجيران او شاحنة؟
‎اذا كنت اريد الخلود الى النوم ومتعبه اتحسس حتى من صوت عقارب الساعه ينرفزني اشيل البطاريه
‎واحيانا اصوات القطط بالخارج تصارخ وتهاوش تزعجني

‎هذا اختبار يااخوان ساعطيكم الاجابات بعد تعليقاتكم

‎بانتظار النتيجه
‎انا حاولت اجاوب بالتفصيل قمت اسولف🙄 ههههههههههه
‎. بس عشان حريصه احصل على نتيجة دقيقه