نفساني - عرض مشاركة واحدة

03-08-2018, 12:21 AM

قبل يومين وديت قماش شاريه من الانستقرام من كاكولي الكويتية وصلني اربعة اقمشة

قلت بروح لاقرب خياط صراحة العجز والكسل خلاني افصله بقرب خياط توه فاتح عندنا المهم شكل المحل فخم قلت بس يا ولد هذا بيزبطه على المقاس

قالت فصل واحد تجربة رحمه من الله ما فصلت كل الاقمشة المهم بعد اسبوع اتصل على قال تعال يا عم استلم الثوب رحت وخذيت ولبسته في الثوب

واهلي خذ ضحك وطقطقة علي تقول صعيدي كم اطول من كم و وسيع جدا اغوص فيه الله يسامحه شكله بنشري قبل وما لقاء شغل فتح خياااااط

لا حول ولا قوة الا بالله ضاق صدري على القماش لانه حلو ما عليه قلت يا ولد تصدق بالثوب واخذ بعضي واروح لخياط ثاني بشارع ثاني اسمه الخياط الدولي للخياطة الرجالية

سميت بالله وقلت يا كريم انه يضبطه لقيت هندي قلت يا رجل ارحم من جنسية الى قبله وان شاء الله خير فصل يا صديق ثوب واحد تجربة قال تم ابشر واخذ المقاس وقال مر علي بعد يومين

انا قلت يالله خيره ان ضبط ولا الشكوى لله

بعد ثلاثة ايام خذيت الثوب الا وهو صح رسمي وعلى مقاسي وتفصال الحمدالله عجبني كثير قلت يا ولد اشكر ربك واقول خيط الباقي من الاقمشة وهذا سالفه الثياب

والله عندنا بالسعودية قصة تفصال الثياب قصة ويالله تلاقي خياط صاحي بعكس دول الخليج يومين ويخلص شغلك كله ومضبوط مدري ليه صراحة شي يقهر

انا اعرف خيااااط محترف جدا جدا بس نفسه خايسة وشايف نفسة هندي لو اروح له لاسوي قضية قتل انا ناقص يجلس الثوب شهرين

أبو نجلا معجب بهذا