نفساني - عرض مشاركة واحدة

13-08-2018, 09:18 PM

اقتباس:

المشاركة الأصلية كتبت بواسطة قطرات الندا

ابو نجلا اليوم رحت ازور أم صاحبتي مسويه عمليه في ركبها الثنتين ومن دخلت عليها تقولي يابنتي وقفو لي المسكن بموت من الوجع نادينا الممرضه وقلت لها مافيه مسكن الحرمه تتألم بقوه قالت وقفنا المسكن اللي بالمغذي و تو عطيناها ترامادول حبه شوي وبيخف الوجع .
المهم تذكرتك والله قلت الله يعين ابو نجلا شكل الوجع رهيب .
وحنا نسولف دخل الدكتور اللي سوالها العمليه وقعد يطمنها ان العمليه ناجحه وقالها اللي اهم من العمليه العلاج الطبيعي وقمت اسأله عن حالتك قال اذا كان يسوي علاج طبيعي بيرجع احسن من اول بس بياخذ وقت شوي وعموما العمر وقوة الصحه لها دور في التشافي السريع قلت له بس مركب مسامير بركبته قال نسوي عمليات بالعمود الفقري كلها مسامير وبعد سنه نشيلها ويرجع الوضع طبيعي عادي قلت عاد ببشر ابو نجلا عسى ربي يبشرك بالعافيه

هلا بك قطرات الندا يالله حيها

ما تشوف شر أم خويتك عسى ما شر وش فيها ركبها وش جاها

الله يعينها عاد هي مرة و المرة ضعيفه حاس فيها الله يعينها العلاج الطبيعي في بدايته صعب جدا خصوصا للمرة الله يسهل عليها

إي و الله الوجع ما كان يطاق أبد

تصدقين الدكاترة ما جوني أبناء اللذينا بعد العملية و لا طمنوني و لا عطوني إرشادات اللهم قبل العملية بأسبوع كانت تجيني وحدة دكتورة مع دكتور مناوب لأن الدكتور الإستشاري مشغول بالعمليات و المفروض يسوون لي العملية مستعجلة بس قالوا لازم نآخذ منك تحاليل قبل العملية لأنك مدمن قلت لهم بطّلتها من سنين قالوا ما علينا أنت جاي من مستشفى الأمل و دكتور مستشفى الأمل تواصلنا معه و لا لنا شغل بطلتها أو لا لازم نآخذ منك تحاليل عشان نعطيك وزنية البنج عشان ما تصحى أثناء العملية و الله يعينك و عليك بالصبر لين ما نخلص من التحاليل عاد إستسلمت للأمر الواقع و حوقلت لا حول و لا قوة إلا بالله

عانيت و الله مع العلاج الطبيعي الحمدلله على كل حال

هذي الصورة بعد ما طلعت من المستشفى

شوفي التجبيس من وين لوين