المشاركة الأصلية كتبت بواسطة قطرات الندا

انثى الجدي لاتعتذرين حبيبتي عادي تحصل كثير والله اني ما انتبه لبعض الردود من اخواني هنا .
انثى بقولك شي انا انولدت لاسره عظيمه بكل ماتحمل الكلمه من معنى اخذت اكبر النصيب من الحب والدلال والتفاهم والفرص الجميله بالحياه مثل التعليم وخياراتي واهدافي أب عظيم يعطيني قوه ويشكل سند لي وأم حنونه من جيل الطيبين اللي لو حتى تجيني زكمه وانا بغله وش كبري طول اللي ماتنام رايحه جايه علي تسمي علي وتشوف حرارتي وكلامها كله ياخلف امي وابوي وجدي .. اتذكر اذا جاء الشتاء وجابو لنا كرتون فقع والله ماتذوقه هي وابوي لين اكل منه تقول مايهناني ولا ينزل من حلقي وانتي ماكلتيه وفجأه يا انثى فقدتهم الثنين بنفس السنه كبرو بالسن وانا لسا كنت بالثلاثينات ومرضو وتوفو عليهم رحمة الله انهزيت من داخلي تغيرت بيوم وليله صارت حتى الزكمه تبكيني لاني اتذكر يدين امي لكن وش حيلتي ؟ مابيدي شي وجاني اكتئاب هالسنه وقلق حاد ونوبات هلع مع انهم متوفين من ١٤ سنه وقالي الدكتور الم فقدهم وموتهم ماتقبلتيه ابدا وتجمع هالشغور هنااااااك بالعقل بالاطن وطلع علي هالسنه لكني ما يأست دائما عندي مصباح اشوفه هناك بعيد منور ولله الحمد اللي عديت فيه ماكنت اظن اني بطلع منه ابد لكن طلعت بفضل العظيم الله سبحانه .
صحيح انا معاك تجي لحظات يأس وشك وتساؤلات بينك وبين نفسك احيانا تخافين منها لكن تأكدي ان الله احيانا بذكرك ان الحياه قدامك بتتغير وبيعوضك ربي بشي ماكنتي تحلمين فيه فقط حطي في بالك وقلبك الأمل ادري انه شعور ويقين وصعب توصلين له لكن ترى مالك الا هو . خذي لك خط بالحياه وسايري اهلك وتدرعي ابيك تعرفين قانون التدرع هو مثل الاذكار بالاسلام راح تلاقي فيديو كثير عن التدرع باليوتيوب . تصيرين زي التمساح معد يوجعك اي شي من احد ولا اي كلمه ولاتصرف .اعملي التدرع وواجهي الحياه صدقيني راح تشوفينها غير .لاتيأسي ابد انتي لسا باجمل سنين العمر لاتضيع بالحسره والألم .
حبيبتي صخيح الظروف البيئيه بالصغر تأثر على الانسان مدى الحياه لكن يقيني ان الانسان يقدر يتجاوزها انسي الماضي وارميه ورت ظهرك واعشقي نفسك وبدي نفسك على الجميع مش انانيه لكن لنفسك عليك حق .
حسابات الله تختلف عن حسابات البشر احيانا نشعر اننا مظلومين وندعي على من ظلمنا ولاتستحاب دعوتنا تدرين ليه ؟ لأن الحقيقه اننا احنا الظالمين مو اي شخص اخر يمكن حتى نكون ظالمين لانفسنا .
حبيبتي الله يكتب لك الخير ويفتح لك باب سعاده من حيث لاتحتسبي