نفساني - عرض مشاركة واحدة

28-08-2018, 07:13 AM

شوفي قلبي من رحمة الله ان امراض الحيوانات و بالذات القطط ما تنتقل للبشر

ثاني شي بالنسبة لهم هم مسوؤلية أكثر من تسلية لأنهم روح الواحد يبي يستوثم بها عند اقل تقصير

غير إن بعضهم مناعته ضعيفة لو شغلت المكيف انواع الزكام و يمرض و ترتفع حرارته، وحدة منهم تطورت حالتها لين جاها التهاب رئوي و موية بالرئة

بعدين لو رباها الانسان في بيته تبي تتعود عليه و على البيت ضعيفة و اذا صار له ظرف ممكن يتخلى عنها و تطيح في ناس ما هم قد المسؤولية يسيؤون للكائن الضعيف او مصيره الشارع للموت البطيء

انت مثلا لو تفكرين في أجر الاطعام بحيث مثلا تشرين خيشة كبيرة من الاكل الجاف الخاص بهم و تشيلين كل يوم منه شوي و تضعينه جنب اقرب حاوية لبيتكم راح تحسين بفرق كبير في المعنويات

تدرين انا تمنيت ان علاقتي بهم اقتصرت على الاطعام و لا ذا التعلق اللي عذبني

اما بالنسبة للعلاج شي طبيعي قلبي اعالج بحسب قدرتي طالما شفت ضعيف يصارع الموت لأن من احياها فقد احيا الناس جميعا، اي نفس اي روح

في يوم العيد الساعة عشرة صباحا لقيت قط صغير تحت سيارتنا مطلع لسانه و شبه فاقد الوعي و شلته و اسقيته بواسطة سرنجة لانه مو قادر يشرب و خليته على جنب بقفص قلت بشوف وش ممكن اسعفه فيه جيته بعد ساعتين لقيته مات

و صورته و هو تعبان مع اني مو بالعادة اصور عشان استشير بيطري بالواتس في حالته و ارفقت مع الاستشارة صورته اللي توضح حالته و سبحان الله ربي اراد يموت قبل يرد علي الطبيب