نفساني - عرض مشاركة واحدة

30-08-2018, 01:45 AM

السلام عليكم

هلا بك اخوي محمد و لولو و الجميع

ربي يسعد صباحاتكم و جميع أوقاتكم

أبشرك محمد فكيتهم بعد صلاة الفجر قدام الباب اناظرهم جلسوا دقايق محتارين ما هم عارفين او غير مصدقين و الا فجاة يركضون باتجاه باب الخروج درب السلامة يارب

تصدق إنهم الى الان ما ضووا و لا شفت وجيههم حتى العصر ما سيروا

انا قايلة خلاص يبون ياخذون حذرهم بس خوفي ما عاد يضوون

انا ما قهرني غير واحد يجي كل يوم ساعة العصر الكحة قطعت قلبه له فوق شهر و كانت مرتفعة حرارته ايضا ما ينمسك، و لكني حشرته مرتين في اليومين الماضيين و اعطيته المضاد و فكيته من وقتها، لأنه فضيحة يقعد يصارخ طوال الوقت و احسه شوي يبي يتشنج من الخوف من القفص و الصراخ جربت حكرته اول يوم و اعطيته المضاد و فكيته، و اليوم للاسف ما جاء عشان اعطيه الجرعة الثالثة، خايفة ان مرضه يزيد لان المضاد لازم يؤخذ على الموعد

اليوم و انا قاعدة اغير اواني الماء بعد صلاة العصر شفت قطة اول مرة تجي نحيفة مرة و نصف وجهها محروق لدرجة عظم الوجه ظاهر بس مسكينة ما تنمسك و الا كان عالجتها

حزنتني مرة حطيت شوي اكل جاف جلست تلقط منه شوي و راحت

و الا شوي اتفاجا بقطتي عسل رجع الخراج في خدها يصب دم مع اني عالجته لها قبل اسبوعين بمرهم مضاد حيوي و انقفلت الفتحة و توقف الدم و اليوم رجعت الفتحة و الدم يصب منها و اليوم مرتفعة حرارتها

سميتها عسل عشان لونها عسلي

صورتها و شاورت طبيب ببطري قال لازم مرهم اسمه ميبو و كورس مضاد حيوي إبر مدته خمس أيام

و هذي صورة عسل حقتننا . طبعا غير ذيك اللي منحرق نصف وجهها ضعيفة و ما خلتني امسكها ربي يعافيهم جميعا