نفساني - عرض مشاركة واحدة

02-09-2018, 10:15 AM

محمد البدراني جميل سؤالك عن الادويه اللي يدمن عليها الانسان بقولك كيف تتم عملية الادمان بنقطتين :
١_ السبب الاول والطبيعي ان جسم الانسان المتألم يألف على الدواء المهديء ولما يزول مفعوله وترجع الاعراض فيه مت يقاوم الى ان يتجاوز الاحتياج للدواء وفيه من لايستطيع المقاومه .
٢_ السبب الثاني وبرأيي هو المهم انه نعرف كيف يعمل العقل اللاواعي بالجسم اللي هو العقل الباطن وما ادراك مالعقل الباطن يعني انت جيت بتاخذ حبة زاناكس او فاليوم او اي نوع مهديء ادماني انت اساسا اوحيت لعقلك الباطن انه هالدواء هو الحل وبدون راح تتعب تقوم تتبرمج وتتخزن هالمعلومه بالعقل وبعد ماتوقف الدواء تبدا تظهر الفكره على شكل احتياج وسلوك وطبعافيه اللي يقاومها وفيه اللي يستسلم لها
برأيي ان اعظم مخلوقات الله هو العقل سبحانه الى الان مافيه بشر قدر يفكك رموزه وشفراته وغموضه ابدا .
لكن العلم وصل الى نتيجه حلوه ان التكرار من طرق برمجة العقل الباطن الفعاله جدا لأنك لما تكرر تبدأ تؤمن ولما تؤمن بالشي تصبح عندك قناعه تامه ولما تتكون القناعه يبدأ العقل يطبق القناعه اللي انت مؤمن فيها .. سبحانه فوق كل ذي علم عليم
بعطيك مثال : زمان ايام المدرسه كل يوم يصحونك الساعه سته ولما يجي الخميس تقول بنام للعصر تلقى نفسك صاحي الصبح وشبعان نوم مع انك سهران ليه ؟ لأن ساعة العقل تبرمجت من التكرار .
مثال ثاني : اذا عندك موضوع او شغله مهمه بتخلصها بكره مايجيك النوم ليه : لأنك اوحيت لعقلك الباطن بالقلق وانه لازم يكون صاحي قام طبق على طول من غير ماتشعر انت اصلا .
الايحاء خطير يايكون سلبي او ايجابي وياحظ من كان دائما ايجابي .
اتمنى اني قدرت اوصل المعلومه .