نفساني - عرض مشاركة واحدة

03-09-2018, 01:11 AM

اقتباس:

المشاركة الأصلية كتبت بواسطة عيون متفائلة

مدري ليش الخلايق كلهم نياما و الا انا اللي نومي ملخبط

معقول كلكم عندكم مدارس و دوامات

حتى عسل ما جات اليوم اكمل علاج خدها مع اني امس نومتها عندي و رغم ذلك يوم صحيت ما لقيتها

و ان حكرتها على الاقل كم يوم على بال يبرا جرحها اخاف تضوي و لا عاد اشوفها لانها من النوع الزعول الخواف

و المشكلة الخراج غاير تقعد تحكه و يصب دم الله يستر عليها و يردها سالمة

صباح الخير بسوم ..

قريت كل كلامك بهالصفحة عن معاناتك مع اخوك وامك الله يعظم اجرك يارب
كلامس لامس قلبي لاني لقيت امور مشتركة بيننا

اولا انا مثلك عندي هوس بالقطوطات عشان كذا قد سالتك قبل وين راحت الصورة
بتوقيعك قبل فترة لو تذكرين ..
عندي هوس وحب لهالمخلوقات خلاني حتى قطاوة الشارع اتودد لها بالاكل واحاول اكسبها
لدرجة كل فترة تتكي قطوة او ثنتين عند باب الشارع ينتظرون اكلهم ياويلي عليهم يوم افتح
الباب والقاهم يطالعون ياقليبي هم .. لان للاسف امي ماتطيق هالحيوانات ابد ..

ثاني شي انا مثلك التعذيب من الامور الي تهز كياني لدرجة لما اقرا خبر احاول ما استغرق
بالخيال عشان ما اتوجع ولا اتنكد ، فكرة ان بشر يعذبون بشر او حيوانات هذي من الامور الي
خلتني اكره هالدنيا واتمنى لو ما انخلقت

ثالث شي انا زيييك بالضبط من ناحية معاناتي مع امي واخوي
الفرق ان هذا اخوي الوحيد + مافيه ذرة حيا ولا اخلاق + امي تساعده
وتعزز له زي امك بالضبط = مافي ولا احد معي بالدنيا
توفى ابوي وعمري 18 وهو اصغر مني بسنتين
مرت عشرين سنة ماشفت بها الا المذلة والقهر والمرار بسبب شخصيته الزفت
وسلبية امي ناحية كل هالقرف ..
لكن للاسف انا ماعندي احد يساعدني بالدنيا لو حبيت اطلع ببيت لحالي
مالي عمام وخوالي ماهم لمي ولا في احد اعتمد عليه ابد مالي الا اعتمد على نفسي
وهالشي بيتعقد قانونيا لان بنجيك الكلمة المقرفة : هاتي موافقة ولي امرك !!!!!!

تمنيت لو عندي مثل اخوك التعبان الله يرفع عنه يارب لو عندي مثلي لا تكون حياتي
كلها له دامه طيب وطاهر القلب وواقف معي لكن للاسف الله يعينني على الجاي

بس انا مستغربة ليش امك كانت تحرض الوالد رحمة الله عليه على اخوك ؟؟
شي غريب لان عادة الامهات يقدسون العيال