المشاركة الأصلية كتبت بواسطة عيون متفائلة

مدري هل انثى الغالية بجدة ، شعوري يقول إنها بجدة ، وش رايك لولو اذا سنحت الفرصة نتزاور في مقبلات الايام ، لأنك ذاك اليوم تقولين ودي اشوف بسوسك ، حتى هم يبون يفرحون بك هم و ذيك الشوارب المتفرقة لبى قلوبهم و لبى قلب من حب يشوفهم : )

أعرفك عليهم بس أخاف ينشبون بك و يتركوني

أنا اخاف اني احرجكم لذلك براحتكن حبيباتي متى ما أراد الله

و إن ما أراد يكفي في القلب محلكم و في العين مقركم



الوالدة الله يحفظها شايشة عليهم ذي اليومين و بس تدعي ، يوم تدعي يتزلزل قلبي ، اقلها أدعي علي وش ذنبهم ضعوف ، يكفي الأمراض كل كم يوم تغزي مجموعة ، أمس فقط اكتشفت حالتين تعبانين و مرتفعة حرارتهم و ممتنعين عن الاكل السيد توفي و الآنسة لونا ربي يعافيهم و للحين ما عطيتهم علاج محتارة ، و هذولي الاثنين بالذات ما لهم حس يبارون الساس عشان كذا ما اكتشفت مرضهم من بدري

سبحان الله ما أكتشف غير اللي يحومون حولي ربي يحفظهم جميع


يشهد الله أن اللي ما له عزيز في نعمة كبيرة ، التعلق مشكلة ، هم بالليل و قلق بالنهار و الله المستعان ، كنت اقول انا ملكة نفسي دام ما عندي ضنا يحزني عليه و يقلقني لين ربي بلاني بالضعوف اللي ما ينطقون

و يارب من له حبيب لا تحرمه من حبيبه