نفساني - عرض مشاركة واحدة - :-[ هطول الثلج على وهج النيران ]-:

06-09-2018, 04:40 PM

ودي ولكن كيف تحقيق ودي
عيا زماني لايجي لي على الكيف

لقيت من وقتي عناد وتحدي
يمرني عمري مثل عابر الطيف

ياما تمنيت الدقايق تهدي
وياما تمنيت الشتاء ينقلب صيف

ظلم الليالي مع نصيب متردي
تجمعوا واصبحت انا عندهم ضيف

فصلت من خام الشقا ثوب قدي
كسيت نفسي بالعنا والتحاسيف

وغديت تايه دمعتي فوق خدي
دمعة يتيم لوعته الصواديف

قلبي ومحبوبي مع الوقت ضدي
كل شي يهون الا صدود المواليف

مادام من حبيت عني يصدي
والسالفه طالت وراحت سواليف

يانفس لأيام الجفاف استعدي
موتي قهر والا على ضربة السيف