المشاركة الأصلية كتبت بواسطة مساكك

السلام عليكم
اخواني واخواتي في نفساني دائما مااجد نفسي هنا في حال حدوث النوبات والخوف الشديد من النوبات رغم معاناتي منها منذ عشرة اعوام ومازالت النوبات تأتيني

حالياً اعاني من الخوف او وسوسة الأمراض تخيلوا معي لما اهوجس اكتم نفسي واقول بنفسي ان الالم راح يظهر المنطقة الفلانية في جسمي او اراقب جسمي لاجل احدد مكان الالم وانا متأكدة ان الالم الناتج عن التحري والبحث والاستقصاء اللي سويته عشان احدد الالم انه الم وهمي كذلك اخاف من اي خبر او موضوع متعلق بالامراض او الموت واثناء النوبة حتى وان كنت دايخة ومنتهية بس ابي انام ماعاد اقدر انام تظهر قوة مقاومة النوم وانواع الافكار السلبية اللي تطري على بالي وقتها انا اعاني من خلل في الهرمونات وارتفاع هرمون الذكورة عندي وانا بنت ومسببة لي زيادة في الوزن كما اني مدمنة قهوة لدرجة انها سببت لي ارتجاع في المريء وحرقان في المعدة ودائما عندي فكرة الخوف من اني اكون وحيدة مع تقدم العمر لاني ماتزوجت لحد الان وعمري 30 وبين فكرة ودي اكون ام احيانا احتاج افضفض لاحد بس ماعندي شخص ارتاح له او يمكن مافيه كلام اقدر اقوله
مادري اذا هذي الافكار لها دخل في النوبات او لا

وبعد عندي الام تطلع لي اذا كذبتها وقلت انا مافيني شي هذا وهم تختفي بس ترجع مرة ثانية واحاينا ماعاد ترجع فترة طويلة ولكن اذا ذكرتها ترجع

وكمان عندي حركة اسويها من غير قصد اللي هي الضغط على الاسنان وقت النوم اصحى وفكي فيه الم مو طبيعي واحيانا يتورم سني سمعت ان هذا من القلق له دور كبير فيه
انا متعبة جدا من النوبات واكتب لكم وانا ابي انام مو قادره اعذروني لو كان الكلام غبر مرتب او غير مفهوم وياليت تساعدوني اذا كان هذا كله من الهلع او فيني شي