نفساني - عرض مشاركة واحدة

02-10-2018, 04:35 AM

صباح الخير
كيفكم ال نفساني الكرام ان شاء الله انكم بخير وعافيه .
ابو نجلا يعجبني فيك المحاوله والبحث اصادف كثير ناس انصحهم بقراءة كتاب ويتحمسون وينسون الموضوع او يشترون الكتاب ويرمونه بالدرج .
العبره مو بالكتاب العبره الحقيقيه هي سؤال لك انت بالذات : هل تظن ان محاولاتك وبحثك وسعيك رايح يضيع مع الهواء ؟
رد علي برد واضح واوضح رد هو الشعور وتفكيرك الداخلي اول ماقرأت السؤال يعني بدون ماتفكر وترتب رد .
كتب تطوير الذات كثيره جدا لكن لفت نظري هالكتاب المرحله الملكيه لأننا نحتاج هالمرحله بجد نحتاج ننسى العالم والناس والكلام وارائهم فينا .
اراء الناس لا شافتك وانت مريض ولا فكرت فيك اول ماقفت منك ولا طبطبت عليك وانت مهموم ابدا بالعكس كانت حمل اضافي في حمولنا المزعجه .
طريقة تغيير الافكار من اصعب البرمجات لكن في الحقيقه هي الحل والسعاده .
بالذات اذا عرفنا ان اكتئابنا وقلقنا وامراضنا كلها هرمونات وافرازات من غدد بالجسم ونواقل عصبيه تأتي نتيجة صدمات ومشاكل وضغوط واحباطات متكرره وش يخلي الاشياء هذي فعاله باجسادنا وتسبب لنا الاضطرابات النفسيه ؟ هي الافكار تخيل !
بجد شي عجيب وخلق الله عجيب .
دايم يابو نجلا لما اشوفك محبط او تعبان تدري من يطري على بالي ؟
والله العظيم يطري على بالي ايوب عليه السلام ليس تشبيها ب نبي ولكن يراودني أمل كبير فيك ليه ؟ ماعرف سبب هالشعور بصراحه .
كل يوم يابو نجلا كرر الحمدلله اول ماتصحى من النوم وقول اليوم راح يكون سعيد بحول الله اليوم راح يكون سهل ومريح وهادي .. خلي عقلك الباطن يتبرمج على رفض المرض والاكتئاب ويتعود على التفاؤل والسعاده ماتتخيل التكرار شلون له تأثير .
شوف بقولك يمكن تكرر وتكرر وتصحى يوم فيك غلقه وحزين ومزاجك زفت معليش قول راح يعدي وطز بالاكتئاب .
ابدا لاحظ نفسك بعد شهر وعلمني .
ابي تكون داخلك قناعه ان بعد كل ليل طويل صبح وبعد كل ضيق فرج وبعد كل مرض شفاء .
هي الدنيا كذا ياتغلبها ياتغلبك وخليك دائما الغالب بأمر الله .
انت قوي اراده لكن المرض انهكك والمزاج السيء احبطك لكن ابدا من اليوم وغير البرمجه .
ناجي الله بالثلث الاخير من الليل بدون ماترتب كلام وبدون ماتنسق وش تقول فقط قول يارب انت علام الغيوب يسر امري واشرح صدري كلم ربي توسل اليه وكرر كرر الله يسمع الحاحك عليك والله انه مايرد عبده ابد .
ادري كلامي مكرر وسمعته كثير لكن ابيك تزرع اليقين داخلك ولاتقول بسوي كذا او اجرب كذا واشوف وش يصير لا
ادعي وانت موقن بالاجابه .
الله يكتب لنا ولك دعوة لاترد يارب ياكريم

نجمة الفلك ,أبو نجلا ,ظل امرأة معجبون بهذا