نفساني - عرض مشاركة واحدة

07-10-2018, 06:24 AM

هلا وسهلا مستر نشمي
هذا من ذيول القلق وليس الهلع
الهلع اختفى لكن اتوقع ان بعض القلق لازال موجود وفي عقلك الباطن وعندك توجس داخلك من عودة المرض .
انا دكتوري قالي جيبي نوت واكتبي فيه كل الاعراض سواء سلبيه او ايجابيه عشان نناقش المستجدات والتغيير بكل جلسه وعشان ماتنسي اكتبيها .
وبالفعل اكتب كل شي والزياره اللي قبل الاخيره ناقشته بموضوع الدوخه قال طنشيها يقول الاضطراب النفسي مراوغ كل ماتغلبتي على عارض يدخل لك من باب اخر وتتغلبي عليه ويجيك بعارض غريب كل مره وانتي اصلا نقطة ضعفك الدوخه وكانت اكثر شي تشتكين منه يقوم الاضطراب يناور الجسم ويدخل لك باكثر حاجه تزعجك زي صاحبتي كانت اعراض الهلع اللي تجيها كتمه وضيق تنفس والم بالصدر والمعده وماتجيها دوخه والان كل الخوف اختفى عندها بس تجيها الم المعده والكتمه من وقت لاخر لأن اصلا مستقر بالعقل الباطن كل الاحداث والمخاوف السابقه وكل فتره راح تزورك الاعراض زي كأنها تجرب مقاومتك والحل هنا التطنيش الى ان تتلاشى نهائيا وبالفعل صارت لما تجي الدوخه الغريبه اللي ما اعرف اوصفها صرت اطنش واطنش والهي نفسي مع انه عقلي يفكر فيها الى ان خفت كثير جدا يعني ماصارت تزعجني والان اشوفها شبه اختفت .
لاتقلق ابدا انت بالطريق الصح ولا تيأس ولاتسمح للاحباط يدخل نفسك .
لسا احنا بشهور التذبذب على حسب مافهمت من الدكتور ماكملنا سته شهور .
قالي الدكتور طول ما انتي ايجابيه وتقاومي كل مالتحسن مستمر وكل يوم احسن من اليوم اللي قبله .
سلامتك وطمنا عنك