نفساني - عرض مشاركة واحدة

02-11-2018, 10:10 PM

نصيحه لكم يااخون عشان تخففو عن نفسكم
لاتقارنو حياتكم بحياة احد بالعكس اذا شفتو احد مبسوط بحياته
لاتقولوا اااخ ليش هو وانا لا
بالعكس انتم ايش ناقصكم ماتفرحون مثله
ربي خالق لكم يد ورجل وقلب ونفس زيه زيكم هو مو زايد عنكم بشي
وحطو ببالكم كل هم وكل الم وكل اهاات بتطلع منكم ربي عالم فيها وربي شايفكم وارحم بكم من نفسكم ويعطيكم حسنات عليها
ربي مايخلق احد ويعذبه حشاه الله يسوي كذا ربي يبلي العبد بيشوف هو بيصبر والا لا بيلجأ له والا لا
وفوق هذا رغم اننا ماندعي ولا نلجأ له الا انه منعم علينا ورحمة وسعت كل شي سبحانه
اعجبتني عباره تقول كن مع الله كما تكون مع امك يعني انت لما تتعب وتخاف تلجأ لامك ليش اللجوء هذا مايكون لله وانت عارف ان الله ارحم بك من امك ومن نفسك كيف لا وهو اللي خلقك وماراح يدوم همك ولامرضك صدقوني بيجي يوم وتنتهي بدون ماتشعرون لعل الله اراد تطهيرك من الذنوب لعل الله يريد ان يسمع صوتك وانت تناديه وتناجيه
يريدك فقط تقول ياااارب وهو يتكفل بالباقي
فليش الهموم ليش الاحزان ليش تحطمو نفسكم وربكم موجود ويقول ادعوني استجب لكم
بتقولون مانقدر ماعندنا صبر اقولكم ربي مايكلف نفس الاوسعها ماابتلاك الا لانه يعلم بانك قوي وراح تتجاوز كل هذا
الله مايظلم احد .. الله حرم علي نفسه الظلم فكيف يظلمك?
اطمنئو انتم بخير وربي قاعد يكفر ذنوبكم وكل دعواتكم مستجابه حتي لو تاخرت لعلها خيره لك
لاتنظرو للخارج فيه ناس ربي يعطيهم الدنيا بما فيها يغيريه بالدنيا الين مايقع على وجهه
انا مثلكم والله اتعب لانه انسانه لكن مايخفف عني هو املي انه هذا بينتهي ان ماكان اليوم بكره وان ماكان بكره بعدت وهكذا
عندي امل ويقين ان ربي له حكمه واحمد الله اني فهمت الدنيا هذي وصرت اشوف الناس غارقه في ملذاته وهي حطام
صرت ابكي اخاف اتغير ويروح مني هذا وارجع زي ماكنت سابقا
رددو دعاء الهم في كل صلاتكم
صلو علي الحبيب اللي ينتظرنا عند باب الجنه ويقول ربي سلم سلم
يخاف علي امته تطيح في النار لما نمر علي الصراط
الدنيا ماصفت لاحد مافيه انسان مو مهموم هي كذا الدنيا بنيت علي كدر
ماخلقنا الله فيها عشان نقعد سعيدين طول السنين خلقنا لنعبده
خلقنا لنعمل فيها لاخرتنا خذو منها المفيد واتركو الزائل
اطلبو من ربكم ايام حلوه وطمانينه والله لن يخيب الله يد عبد مدت له وانا مجربه

عبدو عمر ,نجمة الفلك معجبون بهذا