نفساني - عرض مشاركة واحدة - تركت السيروكسات ما استفدت منه وراح اتكلم عن مكملات استخدمتها

20-11-2018, 11:41 AM

تركت السيروكسات ما استفدت منه وراح اتكلم عن مكملات استخدمتها

السلام عليكم ورحمة الله وبركاته

للاسف انا تركت السيروكسات لاني ما استفدت منه وسبب لي سمنة فضيعة
ورجعت للبروزاك 40 لاني اعتبره افضل من السيروكسات لايسبب سمنة ولاخمول

والمكملات اللي استخدمها من موقع ( اي هيرب) :

استخدمت مكمل mood support و مكمل tru calm وماشاءالله مفعولهم رااااائع
انشراح ورااااحة ولله الحمد لكن يجيني معهم صداع شوي ويرتفع ضغطي شوي مع انه
المكملات ماتسبب الضغط غريبة؟؟ ¡¡¡
ايضا استخدمت مكمل أشواجاندا ممتاااز مرررة يخفف التوتر ويعطي نشاط بالجسم
وايضا مكمل كافا كافا هذا ممتاااااااز بعد يعطي انشراح ويزيل التوتر بس ماينفع يستخدم يوميا
لانه يضر الكبد
ومكمل تريبتوفان هذا للنوم يخلي الواحد يغطس بالنوم مدري هذي تجربتي معه
ومكمل فاليريان نفس الشي ينوم
ومكمل باكوبا منشط ويخفف التوتر رااااائع مررررة
مكمل ال ثيانين هذا بعد مهدي وحلو والله للتوتر والقلق ويسبب نعاس يعني نفع وقت النوم

اما المكملات اللي ماناسبتني واتعبتني مررة هي :

GABA 750 مغ و SAMe 400 مغ للاسف اتعبتني مرررة سببت لي توتر فضيييع
وصداااع ورفع ضغط لانه عندي ضغط يمكن لان الجرعة كانت عالية مرة فاضطريت
اقسمهم للنص ونفس الاعراض مع الاسف فتركتها 😖
ومكمل التيروسين او التايروسين 500 مغ هذا ماناسبني وسبب لي نفس الاعراض
ضيقة وصداع وضغط
بس لما استخدمت نص الجرعة طلع مضبوووط بس الصداع يجيني بعده بكم ساعة ما ادري ليش؟؟

اما المكملات الثانية اللي استخدمتها فهي :

بوتاسيوم
مغنيسيوم
مكملات بي كومبليكس
وشاي أخضر
كلهم ممتازين ماشاءالله هذي تجربتي مع المكملات

وان شاءالله المكملات اللي للاكتئاب راح أخففها مرررة لاني استخدم بروزاك

اللي يبي يجرب المكملات يستخدمها بدون أدوية الاكتئاب هذي نصيحتي لكم
وان شاءالله يارب تستفيدون
الله يكتب لنا الشفاءجميعا يارب العالمين

المصدر: نفساني