نفساني - عرض مشاركة واحدة

29-11-2018, 04:32 PM

اقتباس:

المشاركة الأصلية كتبت بواسطة قطرات الندا

اقتباس:

صباح الخير على الجميع

بخير عساك بخير دووووم يالنشميه قطرات الندا

اقتباس:

شلونكم عساكم بخير وراحة بال يارب .

يا رب لنا و لك يا بنت النشامى تسلمين يا بعدهم على هيك دعوات صادقة خالصة من روح وفيّة و أبيّه

اقتباس:

هلا وسهلا ابو نجلا ابشرك انا بخير وعافيه والبال زاين من زين الجو ماشاءالله .

و الله الجو ما يعلى عليه تصدقين إني بفروتي و شماغي ما أفكه أتلطم به خصوصا إن طلعات البر تكثر هذي الأيام و مآخذ كل إحتياطاتي
أنا عفت طلعات البر بس عشان العيال أجاملهم

أنتي بشري ما عاد عندكم طلعات للعزيزيه و الا الكورنيش و الا الهاف مون

كيف حارتكم و بيتكم وقت الغرقة عساه ما غرقتوا :) أما حنا قد غرقنا و الدمام وقت المطرة تقولين بانيو معبى ماء و فيه سيارات ألعاب يلعبها الطفل :)

اقتباس:

ماغير ادربي راسي بسيارتي اوصل صديقتي دوامها وارجع وافكر وش بنتعشى هذي اخباري والله .

زين تعاونين صديقاتك الله يجزاك خير و يثيبك و يجزاك الجنة و النظر لوجهه الكريم

اقتباس:

في ١٨ نوفمبر كان موعدي مع دكتوري قيم الوضع قالي ممتاز الحمدلله قلت له ابي استخدم الدواء سنتين قال لايكون صرتي اسيره للدواء وهذا اللي مانبغاه قلت لا والله بس لسا مانسيت اللي صار لي ويمكن لسا ما احس بأمان او ثقه اني اتركه قال مافي مشكله جرعتك صغيره تقدرين تكملين سنتين .
وانا ناويه اكمل ان شاء الله.

الله يكون بعونك يالغاليه قطرات الندا

هذا بروتوكول لإستخدام أي دواء نفسي بعد تقييم الحالة بحيث يتم الإستمرار على الدواء النفسي 6 شهور أو إن لزم الأمر سنة أو سنتين أو ثلاث سنين و إذا كان المرض مزمن و الحالة تستدعي الإستمرار ع الدواء مدى الحياة فيتم الإستمرار عليه مدى الحياة و الله يعينك

الله يشفيك و يجبر بخاطرك و يجبر كسرك و يقويك و ينصرك و يسعدك

اقتباس:

بشكل عام الامور هاديه يعني لا سعاده ولا حزن وهالشي مريحني انه مافيه اعراض جسديه الحمدلله .

قطرات الندا لا تكون تبغين حالة التبلد ههههههههههههه لا سعاده و لا حزن

آمنا بالله الحزن راح بس ليش راح معه السعاده :) يمكن ما فهمت عليك ممكن إن قصدك الهوس

لعنبوه الهوس يا هو مدمر
يا زين العافية و المزاج الطبيعي

الحمدلله راحت الأعراض الجسدية اللي كانت معذبتك أظن اللي كان فيك إكتئاب مقنع

اقتباس:

ابو نجلا ياختك زهقت من السواقه بالذات لما امسك خط طويل كيف تستحملون انتو ؟ تعورني رجلي وانا رايحه الخبر وازهق .

ما على قلبك و روحك شر يا بعدهم
الله يعين

ممكن عشان حنا متعودين أنا من يومي بالمتوسطة و أنا أسوق

و الله تجيني حالتك بعض المرات أزهق من السيارة نفسها مو من الخطوط تلقين الموتر واقف بمكانه بالأشهر ما أحركه عجزان أسوقه و طفشان منه من قو الإكتئاب

بس الزهقان المختم هو من زحمة الشوارع و الإشارات

اقتباس:

وبس والله هذي اخباري انت بشرنا عنك وعن ركبتك عساها اشوا ؟ وعن مزاجك وامورك الله يكتب لك فيها الخير والخيره يارب

زانت علومك يالشقرديه ما على قلبك و روحك شر يالغاليه قطرات الندا

أبد علومي زنقة بزنقة :) الحمدلله على كل حال

الزواج و الضنا هذي الأيام ما صرت أفكر فيهم الحمدلله طابت النفس منهم
و عطالة بايزة ما غير ع السعوده و التأهيل و حساب المواطن
أما صابونة الركبه و الحدايد و الإحتكاك فهذي أم الحكايات
الخطوات قصرت و زلقت قبل كم من يوم من على الدرج على رجلي المصابة و أوجعتني حيل و رحت المستشفى عطوني مسكنات و كريم جِلّ و قالوا إلى يوم الإثنين إن ما تحسنت نسوي لك أشعة و تحويل مستعجل ع العيادة لأن موعدي الأساسي متأخر بشهر 6 سته

مالنا إلا الله يبدل صبرنا و حيلنا و أحوالنا بالصبر الجميل و الحيل القوي و أحوال سارة تنسينا مرّ الأحوال

أنا ما فرحت قد فرحي إني أمد لجمعية بناء لرعاية الأيتام كم درهم كل شهر ( كفالة البركة ) و الحمدلله ربي قدرني على ذا الشيء و أعانني عليه و الله يعلم بالنيات و السراير

تسلمين يا بعدهم و لا عدمتك يالغاليه قطرات الندا ربي يحفظك و يستر عليك

قطرات الندا ممكن سؤال
أنتي وحيدة أبوك و أمك الله يرحمهم و الا عندك أخوان و أخوات

ما عليش دخلت بالخصوصية بس تحمليني :) عزيزة و غالية يا قطرات الندا

اقتباس:

المشاركة الأصلية كتبت بواسطة حمال الأذية

صدقت يا بو نجلاء..... لأن الرهابي حاله مثل حال السبرنج اللي يكون مكبوس وقت الرهاب ومجرد يخف الرهاب يصعد السبرنج لأبعد نقطة كنوع من التعويض عن الكبت والمعاناة النفسية..... حاول انك ما تندفع كثر ما تقدر.....

جبتها صح يا قدع عليك نور حمال الأذيه لله درك

حاولت ما أندفع لكن وش أسوي بقرادتي من يومي صغير و أنا مندفع مخلوق و مجبول جبلة على ذا الشيء

و الله إنك صادق في كل حرف قلته يا بعدهم

أحوالك حمال الأذيه كيف الدنيا صايره معك ؟

الله يشفيك و يجبرك و يقويك و ينصرك و يسعدك

اقتباس:

المشاركة الأصلية كتبت بواسطة محمد البدراني

اقتباس:

اسعد الله صباحكم بكل الخيرات

يسعد صباحاتك و صباحات الجميع بكل خير غالين و عزاز و أحباب

اقتباس:

هلا وغلا ابونجلاء

هلا بك زود و لا تسد يا بعدهم و الله يبقيك و يطولي بعمرك

اقتباس:

علاجك احس مب كافي لحالتك لازم مضاد اكتئاب ولا بتشوف عيشة سودا اكثر ما هي مسودة بنا الدنيا يا خوي

صادق أمس رحت المستشفى و رحت الإدارة و حولوني على الطواري و قالوا داوم على الميرزاجن صباح و عصر بعد ما قلت لهم ان ما يجيني النوم منه قالوا خذه كمضاد إكتئاب و ليس كمنوم و مع الموعد الجاي أدخل على الدكتور أحمد الريابي السوري و أطلب منه علاج مضاد إكتئاب و الله يعين و يشفينا

اقتباس:

وش اسوي يا عالي والله ثم والله انك صدقت ان الاجانب وهم مغتربين ومطفرين فاااااااااااااالينها واحنا الله المستعان

اقتباس:

بالله عليكم بالوالدة وبرها وطاعتها ومساعدتها واشوف انكم تطبقون كلامها لانها بترتاح عندهم الله المستعان

إبشر يا بعدهم وصيتك بعين الإعتبار

الله يشفيها و يهون عليها و يجبرها و يقويها و ينصرها و يسعدها و إياكم جميع

اقتباس:

المشاركة الأصلية كتبت بواسطة ابو هذال

اللـه يـعـيـن يـا ابـو نـجـلااااا

قـاعـديـن انـا وانـت نـدفـع ضـريـبـة

مـضـاعـفـات الـتـعـاطـي

اللـه لا يـعـيـدهـا مـن ايـام

واثـقـيـن بـاللـه

والـقـادم بـإذن اللـه اسـعـد و اجـمـل

صدقت يا بو هذال الله لا يعيدها من أيام

و هذي الدنيا و أنا أخوك صعبت علينا كثير عسى الله يسهل علينا الحاضر و القادم و يبدل الأمرار بأحلى الأيام

ما على قلبك و روحك شر يالأمير الغالي

و الله يشفيك و يجبرك و يقويك و ينصرك و يسعدك

ربي يسعدكم جميع يالغوالي

يا أمي يا أم الوفا

https://