نفساني - عرض مشاركة واحدة

29-11-2018, 06:21 PM

اقتباس:

هلا وسهلا بالجميع
هلا وغلا في محمد البدراني ولدي القعده هههههه الله يسعدك يابوي انا طيبه وبخير واتابعكم من بعيد واطقطق بالسواقه واحيانا اطفش منها انت بشرنا عنك وعن احوالك بحول الله انها تسر يارب .
ابو نجلا اللهم امين الله يتقبل منك مادعيت ولك مثل مادعيت يارب .

يبقيك و يطولي بعمرك يالغاليه قطرات الندا

و إياك يا رب أجمعين

اقتباس:

حنا ثلاث خوات وانا اصغرهم وهم عايشين بالرياض وانا بالشرقيه وماعندنا اخوان لكن عيال خواتي جعلي ماخلا منهم كنهم اخواني وعيالي والله .

ما شا الله
الله يهنيكم جميع ببعضكم
و الله لا يفرقكم آمين يا رب العالمين

اقتباس:

شكلك بتسألني ليش عايشه بالشرقيه لحالك هههههههه

هههههههههههه حلو سألتي و جاوبتي لله درك :)

اقتباس:

ياخوي ماداني مجتمع غير مجتمع الشرقيه ناس بسيطه ومريحه لا هياط ولا مظاهر ولا وجع راس من جاء ابوي للشرقيه من ستين سنه وحبها مارجع للرياض وانا حبيتها من حبه لها .

صادقة إي بالله الشرقيه تنحب كثير كثير بس يا ليت فيها نفود و دكاك و وديان و أنهار و غابات هههههههههه طماع :) ودي برحلة لأوروبا بأقرب وقت بس مو الحين وقت الصيف أحسن و أدفى و أحلى :)

اقتباس:

بالشرقيه تعيش ببساطه اروح البقاله الله يكرمك بشبشب البيت اسحب رجولي كني عربجي ههههههههه محد يناظر ولا احد يهتم

صدقتي شعب الشرقية شعب ديمقراطي و شهم أنا مولود فيه حكيت 35 سنة فيها و جبت لهم الصمرقع هههههههههههه

اقتباس:

صديقاتي فهموني هنا اني ماحب العزايم والجمعات الواجد يعني باختصار راحه نفسيه وتعيش على راحتك .

الله يخلي لك هالصديقات و الله شكلهم صديقاتك عز و معزه و غلا جم

اقتباس:

قبل امس كنت اسوق ومعاي صديقتي ومعنا عيالها ثنين لعنبو بليسهم ازعجوني قرقر قرقر واطلع الرصيف قلت انزلي انتي وورعانك خذو ليموزين والا لعد اسمع لكم صوت .

ههههههههههههههه يا ركبتي ههههههههههههه ربي يسعدك يا ذي الآدمية :)

اقتباس:

اكتشفت اني مالي طول بال على البزران ابد ابد فيهم سماجه ودلع ودي اعلقهم مع اذانيهم .

إيه قد قلتي لي ما تحبين الإزعاج أبد الله عاد يعينك على بلواك ههههههههههه
تصدقين بعض المرات أحب الإزعاج و بعض المرات لا و الله إلا مثلك بالتيم :)

اقتباس:

اما حكاية التبلد ودي بها احسن من القلق التبلد ينفعني تدري ليه ؟ عندي خوف من الاخبار الشينه احاتي واقلق فوق الطبيعي ويصير يومي سيء .

امممم عرفت الحين

إي بالله التبلد هو التطنيش بكلياتو :) تدرين كل ما أشوفك أتذكر كتابك المرحلة الملكية يكفى عنوانه الفخم و إن شاء الله راح أشقر عليه ع الفهرس و أزيد بالقرايه فيه و الإستفاده منه بأكبر قدر ممكن

اقتباس:

لكن اللي قصدته بلا حزن ولا سعاده يعني هدوء افضل من اول وصارت الاشياء اللي تسعدنا قليله الله المستعان لكن عندي قناعه مريحتني وهي دام الانسان ينام مرتاح ومايحتاج لأحد فهو بقمة النعم لله الحمد وانا عموما شخصيه اميل للهدوء ماحب الاكشنات بالحياه .
مدري قدرت اوصل الفكره والا لا .؟

تعجبيني أجل حياتك ريلاكس توب التوب الله يهنيك و لا يقطع منك هالريلاكس و يديمها عليك بآخر قطرة من دمك ههههههههههه

اقتباس:

لا انا ماتجيني حالة هوس ابد الحمدلله اكتئابي مو ثنائي قطب اخر مره قالي الدكتور اكتئابك النوع الشائع عند كثير من الناس بالذات النساء لاسباب كثير منها الوحده او الحساسيه الزايده او فقدان اشخاص لكنه مو خطير والحمدلله على ماكتب كل شي من العظيم جميل .

الحمدلله يا رب لك الحمد فرحت لك و الله إن ما عندك هوس هذا شيء طبيعي إني أفرح لك لأنك غاليه و عزيزه على قلبي و قلوبنا جميع كم عندنا قطورة و قطار بهالدنيا و كم عندنا قطّارة و مطّارة تسقينا ظمانا :) قمت أهذري سامحوني ههههههههههههههه

سامحيني قطورة

أنا أجلت متابعة الفلم لإشعار آخر
و كلمت خوي لي توه طالع من الدوام يقول انه فاضي ودي أطلع معه الله لا يخليني منه و لا يعدمنا من بعض

وين زهرة الياسمين ما شفتها اليوم لا تصبيحة و لا تصبيرة و لا دعوة :)

مساء الخير يا زهرة الياسمين
مساؤ الفل