|
قلق وخوف اتمنى تساعدوني :(
مساء الخير ..
اسأل الله أن يمن علينا بالشفاء ويجعل مااصابنا تكفير لنا ويطمن قلوبنا ويرزقنا الراحه والسعاده .. اللهم امين 🙏🏻
اخواني واخواتي بدأت قصتي آخر رمضان اصبت بطنين ودوار مفاجئ
بعدها اصبت بخوف شديد واتصلت ع زوجي عشان يرجع البيت !
يومين وانا خايفه وانتظر واترقب عودة الدوار لكن وضعي طبيعي
اليوم الثالث قلت خلاص ابغى اروح المستشفى لاني حسيت الم خفيف ف اذني وخفت يشتد والعيد كان باقي عليه يومين واجازه مستشفيات وكذا مالكم بالطويله حت المستشفى وطلع عندي مشكلة ف الجيوب الانفيه والاذن طبعاً الغريب اني مازلت خايفه واكرر للدكتور يعني مافيني شي الدوخه طبيعيه عادي ..... الخ
وانا ف العاده هذا مو طبيعي ☹
والاغرب انه الدوار من بعد اول مره ما رجع لي الا ف المستشفى عاد يقولون انه بسبب التوتر وانا مااقتنعت وعدى عليّ العيد وذو القعده وذو الحجه ف حاله نفسيه الله يعلم بها وتذبذب ف المزاج فضيع بكاء قلق خوف مراقبه جسمي وشك انه فيني شي مو طبيعي ..
للعلم طول الفتره هذي كنت مااخذ الا ادوية اذن وجيوب انفيه بخاخات بيتاسيرك وكذا وكنت احس اني ف دوامه ليه مازلت خايفه ليه احس فجأه اني بدوخ وقلب يدق بسرعه طبعاً الشعور مزعج جداً شي غريب سريع يصير ف الراس يخليني اغمض احس بدوخه لثواني معدوده وتفك عني واجلس اترقبها وراجعت طبيب عام ودكاتره اذن وحنجره يقولون واضحه عليك اعراض القلق والوسوسه ومايهتمون لكلامي
وقتها طبعاً يجيني كوابيس واحلام احس اني صاحيه ودايخه و خدر وقت النوم ..
بعد كذا بفتره بسيطه جاتني اول نوبة هلع كنت ف السياره واقرا ف جوالي فجأه حسيت شعور غريب مثل النغزات متتاليه وسط الصدر وقتها حسيت ريقي نشف وبروده فضيعه ف وجهي واطرافي وتعرق واخس بدوخه وصرت اصرخ بموت بموووت ومعايه ولدي رضيع فكيته مااقدرت امسكه وزوجي يهديني بس مافي فايده رحنا اقرب مستوصف وفحصتني الدكتوره وقالت مافيك شي نوبة هلع هدي نفسك لانه الضغط ارتفع شوي بسبب الخوف وعطوني مغذي وطلعت وانا ف حاله مايعلم فيها الا الله :(
مع الاسف الضغط صار من مخوفاتي بعد الحادثه الاخيره الله يحفظنا ويكفينا شره
المهم قلت خلاص بروح لدكتوره مخ واعصاب مازلت مو مقتنعه انه القلق يسوي كذا وفعلاً حجزت موعد ورحت بعد الفحوصات والكلام الكثير مع الدكتور وصف لي سيبراليكس 10 ملم نصف حبه ف البدايه لمدة 10 ايام بعد كذا حبه
استمريت شهرين ووقفته بدون تدرج ..
اول شهر بعد ماوقفته طبيعي صح فيه خوف بس اشغل نفسي
الان ليا اسبوع احس الخوف والقلق راجع لي ترقب الدوخه وسوسة ارتفاع الضغط
وكمان احس شعور ف اذني غريب ومزعج جداً فجأه تقفل واحس فيها صوت مثل الصفير خفيف ثانيه ويختفي يترافق معاه شعور بالخوف ودقات قلبي تزيد امس كنت ف عيادة اذن وحنجره وفحصت قالوا مع الجيوب الانفيه تنقفل الاذن وتسبب الصفير بس مااقتنعت خايفه منه جداً مادري هو شعوري نفسي صحيح كان يجي مع السبراليكس بين فترات متباعده وكنت ماهتم له انساه الان تركيزي عليه :(
مادري الا انا فيه نفسي عضوي انتكاسه ولا انا من الاساس ماعطيت السيبراليكس فرصه وضعي جداً ملخبط ارجوكم الي عنده فكره يفيدني وجزاكم الله خير
|