نفساني - عرض مشاركة واحدة

30-12-2018, 04:32 PM

[QUOTE=اهلا بكم;1356471]سلام عليكم

#وعليكم السلام ورحمة الله وبركاته
مساء الخير#

انا صراحة مادري شو الي بيني بالضبط بعطيكم معلومات قبل
انا بقولكم تنشات في بيئة غير متفقه تماما مشاكل صراخ
كنت اقاااارن كثير اذا رحت أقاربي اشوف جمعة العيله
متفاهمين يجلسون مع بعض فكنت اغاار
في المدرسة كنت اقااارن كثير بيني وبين الزميلات مع العلم
ما عندي صداقة بالمدرسة ابد اجوف البنات سؤاليف ضحك
وانا في نفسي ودي مثلهم بس احس نفسي اقل
لأني انا ماكو ثقه بنفسي فتعرفون الي قليل ألثقه
يجوف نفسه اقل
فكنت احس كل البنات ما يبوني شخصيتي موحلوة
المهم أني الاحظ كل ما حاولت أغير شوي من نفسي
وحاولت آكون صداقات فترة ويتركوني
وما يتركوني مشاكل لا كذا فجاة انسحاب
فتقل ثقتي بنفسي احس فيني شئ غير محبب
المهم صرت شخصية اتأثر باي كلام تخيلوا حتى الأطفال يأثر فيني
كلامهم مثلا فيه بنت صغيييرة مرة يمكن عمرها 10
تتكلم عن وحدة فقالت لي من زينك تراها احلى منك
تأثرت مررررة من كلمتها يعني الطفل ما يقول الا الحقيقة
انا شخصية حساسة بزيادة الحساسية متعبه اي كلمة تاثر فيني

#ي أهلاً بكم ا سأل الله الفرج لك ولنا يارب آمين#

#ابتداءً أنت نشأت من صِغرك في بيئة كلها مشاكل وه الشئ للأسف إنعكس عليك وأثر على نفسيتك وثقتك ب نفسك وتحول لوسواس وفي المقابل مثل هذي الظروف لو إستمرت مشاكل وانت بسن كبير ف سلبيتها مؤثرة بقوة على جسمك وتفكيرك وهدؤك، وبشأن صديقاتك ب المدرسة وكذا صدقيني هالشئ ماينطبق عليك انت بس كثير منا صار له هالشئ لكن المهم كيف تتجاهلي هالشئ حتى لايحطم ما بدأتيه بأن يشكك في نفسك وأنه فيك شئ سلبي عشان كذا يتهربون منك ف لاتعطي الموضوع أهمية اللي يحبك يحبك لأجلك مو لمصالح شخصية، بشأن الكلام وتأثيره فعلاً من كم سنة كنت اتأثر والله لو أي شخص كبير او صغير 🧒 مجرد ردة الفعل عندي لابد تحطمني وسلبية وهالشئ تجمع من المواقف اللي مررت فيها بس الحمد لله بعد فضْل الله ساعدني الدواء بتجنت هالمواقف بنسبة ٧٠ %، وبشأن البنية الصغيرة ترا طبع النساء يتأثرون بأي كلام عنهم ب السلب ف طبيعي تسمعين من اي بنت وممكن من جواتها انه انتي مو انك مانتي جميلة لا، يعني كلمة بدون مبالاة ف لاتعتبي، والصغار موشرط كلهم صادقين 😂😉، #

انا ودي اشيل هالحساسية لانها تتعب النفسيه أصير افكر في كلام الناس ويهمني رأيهم وكلامهم عني سواء طفل او كبير
اذا دخلت اي مكان او جفت صورة اي وحدة أقارن نفسي فيها
مثل ما قلتلكم صرت اتأثر فتعرفون مجتمعنا مهوس بالخوف من الحسد
كنت زمااان اسمع قصص الي حولينا عن الحسد تأثرت كثير
صرت اخاف مو خوف طبيعي لااااا طبعا ادري ان الله خير الحافظين وان اي شئ ما يصير الا بعلم رب العالمين وكل حاجة مكتوبة لكن انا خوفي
الي فوق الطبيعي مادري هو وسواس او شئ عابر
صرت اخاف من كلام الناس لي
يعني انا مثل ما قلت لكم مافيني مميزات شخصيتي غير مرحة او فكاهية
حساسة غير واثقة الدراسة لم أكملها ومع ذلك صرت
اخاف من الكلام العادي السخيف
بعطيكم أمثلة
مثلا في سوق محل جفت تيشرت عجبني جات وحدة قالت واو
جميل ابي مثله أصير اتركه ما اخذه اخاف أهي تبيه وتحسدني
طبعا. انا مو شكاكة او عندي ظنون سيئة انها حقودة لاااا هي بنت معارفها ولاتعرفني ولا قصدها تاذيني وكلامها جميل
انا متاكدة انو نيتها طيبة وعجبها التيشيرت بس انا عندي خوف
يمكن أهي تبيه وتحسد من غير مقصود
ما احب اكل عند الناس الغريبه مو خجل لا اخاف منهم
(( مو شك او سوء ظن فيهم)) انا ودي اعرف قد احد مر بالهوسوواس احس انا بس
الي اخاف بشكل مبالغ فيه ؟؟
الحين صار عندي خوووف شديد من الزواج أولا لعدم ثقتي بنفسي
مثل ما قلت لكم دايم أقارن نفسي بغيري
وأحس كل الناس احسن مني
ودايما عندي افكار ان الزوج ماحينسجم معي لأن شخصيتي غير محببه

بيجيه ملل مني
انا ودي أكون مثل اي بنت تتمنى تتزوج ويكون لها بيت وزوج
انا اذا تخيل هذي الخيالات اتخيل أشياء سلبيه
انه بيكرهني انه سيرى اجمل مني انه بيقارن الناس فيني
انه بينفر مني ما اتخيل أشياء جميله

طبعا ممكن تقولون الي فيني وساوس ويحتاج لها علاج
انا ودي بشي بدون علاج تعرفون انا في بيئة ممنوع التداوي النفسي
عيب جدا بيئة منغلقه

# والله ي اختي اني عانيت وقاسيت مع هالحساسية كثيراً لكن الحمدلله تصبرت وبحثت عن علاج ل أكف نفسي عن التفكير بزيادةهالشئ مزعج جداً مجرد التفكير فيه، والتشتت فيه مستمر إلا مالا نهاية، ونصيحة عمرك لا تفكري بإحتياجك لرأي حد خليك ثقيلة و ي جبل مايهزك ريح وش صار صدقيني الصالح والطالح ماحد يسلم منه والصغار صاروا ملاسين يعني ايزي على نفسك مافيه شئ يستاهل، ومجتمع سلبي والله للموت، اعوذ بالله من الشيطان الرجيم، انسى تجد دعم معنوي إلا من رحم ربي، ف لاتتأمل كثير وتلاقين الواقع أكثر خيبة أمل، ولكن نصيحتي لا تهمل نفسيتك ووكلها كورس او اثنين وبإذن الله يتلاشى هالقلق منك ويزول وتزول معاه الوساوس#

#ولاتحملي نفسك فوق طاقتها مايصير إلا اللي ربي كاتبه وبإذن الله، تتزوجين وتخلفين وتنسين هالأفكار البسيطة بس تشدين حيلك بموضوع الدواء معليه عارف المجتمع عبارة عن شئ لايشعر ولايهتم لغيره لكن اهتم بنفسك ولأجل شبابك وبإذن الله ترجعي هنا تطمننينا بشفائك يارب#
/QUOTE]

الردود فوق تبدأ وتنتهي ب هاشتاق #⃣
عموماً موضوع التعالج بدون ادوية يحتاج قوة وصبر وأنت لها إن شاء الله والأمر بسيط جداً شدة وتزول بإذن الله تعالى 🌹