|
مليت ارجو مساعدتي د.عبدالله
السلام عليكم ورحمة الله وبركاته
اكتب مشكلتي لأني مليت من تجاهلها وكبتها حاولت كثيرا ان اقنع نفسي بانها حاله عابره وستزول ولكن الأمريزداد سواء يوما بعد يوم مشكلتي باختصار هي القلق والخوف من الموت لدرجه اني تجي حالات ما انام يوم كامل بسبب هالموضوع
انا مؤمنه ان الموت حق ولكن ما ادري يجي على بالي بطريقه فجائية واول مره جتني الحاله كنت نايمه وكل شي طبيعي وبعد ساعتين من نومي قمت خايفه وقلقه واتعرق واحس اني خفيفه جدا يعني يمكن تضحك لو اقول احس كأن جسمي مليان هوا حاولت ارجع انام لكن الخوف والقلق زاد وجاني جاثوم ذيك الليله اكثر من مره لدرجه اني خلاص قلت خلاص هذي آخر ليله لي وارسلت لعمتي قلت اول ما تصحين دقي علي ان مارديت تعالي لاني اناعند اجدادي ساكنه مؤقتا
ولا رحت الدوام وجلست ابكي
المهم وبنفس اليوم من الاسبوع اللي بعده تكرر الموضوع لكني ضغطت على نفسي وداومت ولكن ما رحت مشي خليت نقل يمرني لاني خفت اطيح بالشارع
وصارت الحاله هذي تكرر لكن بين فترات متباعده ولها شهرين تقريبا تكرر كثير بس بدون جاثوم لكن احلا م مزعجة ولي شهر تقريبا ما انام بسهوله حتى لوصرت دايخة وواصله معي وكمان صايره محبطة وما فيه اي شي يشدني او اتحمس له لدرجة اني احس اني عجوز في جلباب شابه
واخيرا فيه اشياءكثيره ودي اقولها لكن يطول الشرح
على فكره اتصلت على العياده وما قدرت اكلمك
والله يجزاك خير ويوفقك دنيا و آخره
|