نفساني - عرض مشاركة واحدة

02-01-2019, 04:45 PM

ونتي ونةٍ خلوجٍ مـع الوقـت العتيـم
وكدت مذبح ولدها وحالـوا دونهـا

حالي اللي راحت اشجار وديانه هشيم
مبطـيٍ مازيـد دب الحيـا بغصونهـا

لاجرى ماها ولازيد حركهـا النسيـم
من بطا الامحـال فيهـا تغيـر لونهـا

كانيٍ مابي وانا مخفـي ٍ شـي ٍ عظيـم
وكل الارض اليوم ضاقت علي ركونها

ياعرب تكفون من كان له قلب ٍ رحيم
كل نفس ٍ صابها الحـزن لا تقصونهـا

خاطري داروه ياللي تـدارون اليتيـم
وان بكت عيني من الدمـع لا تنهونهـا

كبدي اللي لاعها خافي الحزن السقيـم
كل ماقلنـا تشالـت تزيـد طعونهـا

كل ما بريت جروحي من الحزن القديم
جيت دار ٍ حايل ٍ البطـا مـن دونهـا

في الهوى حزات من وصف جنات النعيم
وفيه نار ٍ جملـة الخلـق مـا يقوونهـا

عبق الذكريات معجب بهذا