نفساني - عرض مشاركة واحدة

05-01-2019, 01:21 AM

السجين

السلام عليكم
هذه الابيات موجهه الى صديقي (عيد) بعد ان شكى الي حالته النفسيه
وانه اصبح لايخرج من البيت بسبب المرض واصبح كالسجين
لكن رغم ذلك هوافضل مني حالا كما قيل في المثل
(لاتشكي لي ثم ابكي لك)

انا السجين اللي قيوده قويه 000 مع ان مافيني قيود وكلبشات
سجن المرض ياعيد اثقل عليه 00 اثقل عليه من جبال السروات
عزي لمن صابته امراض نفسيه00 وعزي لمن شاف موته ولا مات
انا اشهد اني مت والنفس حيه 000 اقروا علي الفاتحه والتحيات
تكالبت امراض بقعاء عليه 000 وعندي على هذا دليلي والاثبات
ما عاد فيه روحه ولا فيه جيه00 ماغير دايم وانا في نوما اسبات
والا تقول عندي اعاقه قويه 00 لو كان الاعضاء كلبوها سليمات
يا عيد انا عشت عيشه شقيه 00 الله يعلم بالظروف الخفيات
احيان اقول يالله تجيب المنيه 00 واحيان اقول يالله عساها سلامات
لولا الامل بالله رب البريه 00 كان انا اليوم من ضمن الاموات
وختامها ياعيد هذي وصيه 00 مع العسر ياعيد تاتي المسرات
وان كان تبغى تعيش عيشه هنيه0 احذر تحسف على ماضيا فات

المصدر: نفساني