16-01-2019, 01:53 PM
|
#36977
|
|
ابو نجلا سابقا
|
بيانات اضافيه [
+
]
|
|
رقم العضوية : 55993
|
|
تاريخ التسجيل : 03 2017
|
|
أخر زيارة : 18-05-2025 (11:12 AM)
|
|
المشاركات :
17,400 [
+
] |
|
التقييم : 51
|
|
الدولهـ
|
|
|
لوني المفضل : Black
|
|
اقتباس:
المشاركة الأصلية كتبت بواسطة قطرات الندا
هلا وسهلا ابو نجلا
وش هالربيع الزين والخزامى الارض كلها انقلبت لون موف لو اني منك تمردغت تمردغت تمردغت على هالارض لين اقلب عرجون .
ابو نجلا فيه شي اسمه ايرثنق earthing وهو المشي حافي على العشب والتراب والارض العذراء و فوائدها تسحب الطاقه السلبيه بالجسم شي رائع انا جربته قبل سنتين والنتيجه اني نمت نومه عميقه بالليل ومريحه وصحيت راااايقه طبعا مع الاستمرار تساعد في الاكتئاب وتعالج بعض وظائف الجسم .
ماتشوف البدو مايتعبون ؟
ابو نجلا من زمان ماعطيتنا اخبار ركبتك اربها احسن ؟
|
هلا بك و سهلا قطرات الندا
حياك و بياك يالغاليه النشميه
لي يومين مع الانفلونزا بس الحمدلله اليوم أشوى كلها من تقلبات الجو ذي الأيام و مرة نشغل المكيف و مرة نطفيه و حنجرتي قالت ستوب و ضربت بريك لكن اليوم أبشرك طيب
لك حق و الله الربيع اللي شفناه يكحل العين تصوري و أنتي في السيارة بوسط أزهار الخزامى تنتشر الريحة داخل السيارة ما يحتاج لها عطر هي العطر و المكان يعج بريحته ما شا الله تبارك الله
صدقتي البدو صحتهم زينه و قويه ما شا الله و عندهم مناعة إلا وش خلى زمان الناس يسترضعون أطفالهم عند البدو
ما شا الله عندك معلومات يا قطورة ذهب
وش أخبار موعدك مع الدكتور علي السلامة
بخصوص الركبة تأقلمت مع الإصابة و الكسر و الحمدلله لكن بعض الأحيان تألمني لأن فيها إحتكاك و طربقات و موعدي بتاريخ يوم 8 شهر 6 يعني بعد الشهر ذا و إن شاء الله يفكون الحدايد قولي يا رب يفكونها
هذا قضاء و قدر و الحمدلله لكن المصيبة هي في المزاج أكبر و أعظم مصيبة ما بعدها مصيبة
كل صلواتي الحمدلله على الكرسي المساجد مليانه كراسي الله لا يخلينا منها لأن وضع السجود على الركبة صعب صحيح أثنيها للأخر لكن ما أقدر آطى على الركبة و أتعنز عليها
أهم شي الرجل السليمة الله يقويها و تشيل الرجل المصابة و الله يجبر الرجل المصابة و يشفيها و يشفي كل كسر يا رب فيني و فيكم
في كلمة أستفدتها إللي هي ( نحن لا نملك الفعل ، نحن نملك ردة الفعل ) فالفعل حصل و لن ينفع البكاء على اللبن المسكوب و الذي نملكه الآن و بعد الآن هو ردة الفعل و في تصوري إن ردات الفعل تختلف من شخص لشخص و من وقت لحين و كلها معلقة أولا و آخرا بالمزاج فإذا كان المزاج طيب و في الوضع الطبيعي فيستحمل و إذا كان مو طيب أي في وضع هابط فيكبر الألم و يتضجر منه و لو كان الألم ما يستاهل يشوفه راعي المزاج المخبط كبير و مهول و مغول
و الله لو مزاجي أوك كان تهون علي المصايب كلها لكن الحمدلله على كل حال و يا رب تبشرني بالشفاء و يبشرك قطرات الندا و يبشر كل أخوانا و أخواتنا هنا بهالمنتدى المبارك
|
|
|
|