|
يارب سامحني معقولة جالس اذنب
يارب اتعبتني الحياة ...
والكل من حولي لايعلم بالنار التي بداخلي ..
احاول ان اتظاهر انني سعيد وسليم ...امام زوجتي وبناتي ..
لااريد ان اكون سبب بضيق من حولي ... لكني ادمر نفسي بالمقابل
هم لايعلمون انني مريض ...لكن تصرفاتي لهم تبين انني ماني مظبوط
انعزالي ...كي لااحد يشعر انني امر بشي لايعلمه الا الله فالاكتئاب يجعلك تزهد بالحياة
ومع ذلك زوجتي اصبحت تدعي علي وتقول اني ظالمها وانها من حقها تعيش وتسافر
الحمدلله اني موفر لهم سواق بحالة لو زاد علي المرض .. بس صعب اقولها لانها راح تقول غشيتني من قبل الزواج
يارب انا مو قصدي اتزوج بس عشان خاطر امي ...يارب انا ماابي احد يزعل مني ونهايتي الموت والحساب
هي الان تبكي احيانا وتقول اني انا السبب بااحزانها وتعبها ...وبناتي يحبوني مره ....
اقسم بالله اني ماعمري اعصب عليها او اقولها كلمة تجرحها طيلة سنوات الزواج وبالرغم انها عصبية لكنها تتراجع بعد ان تسمعني كلمة تسم بدني
لكنها طيبة في مواقف كثيرة ...انا اعرف ايش مشكلتي معها بعد ماجلست مع نفسي كثير
انا انسان مكتئب بداخلي وافكاري براسي كثير لذلك طول يومي ساكت ....وهي تبي كلام حب وغزل وهذا من حقها وتبي تعيش حياتها لاني تناقشت معها
بالرغم من مرضي الا انني اسافر معها كل سنة مره بالرغم المشقه والعذاب بالنسبة لي
رجوتها ان تسكن امي معنا لان هالشي يمكن يساهم بعلاجي خصوصا في برها لكنها رفضت بحجة انها تبي تشعر انها ببيتها وهذا من حقها
انا عني ماابي شي بس خايف من كثر ماتبكي قدامي اني اكسب ذنبها ونا مو بيدي شي ...
خيرتها قلت لها ماتبيني عادي اهم شي راحتك ...عملتها مشكله تقول انا عارفه انك ماتبيني بس اللي مصبرك البنات
هي تبيني بس تقول اني اتغير ...وتهددني بهالشي مو بالهدوء والتفاهم تبيني اتغير بيوم وليله
انا اعترف ان عندي اخطاء وطلبتها تكتب اخطائي بورقه عشان اتغير
هي قالت اني كويس بالمصروف واعطاها حريتها بالبيت يعني ماني كثير طلبات
بس تبيني اهتم فيها واحسسها باانوثتها واني اعاملها بدلع مع اني احترمها بس انا جاد بحياتي
احيانا الومها بقلبي واحيانا اقول هي مسكينه ويتيمة واخاف الله يحاسبني بسببها ومحتار شسوي
مدري كيف اتغير ..احاول اضحك واناظر بعيونها مااعرف دايم راسي بالارض
احس بتأنيب الضمير بداخلي وماني عارف شسوي احس اني سبب تعبها وانها ندمانه بسبب كلامها وتصرفاتها
وبنفس الوقت مااقدر اطلقها لو ماطلبت الطلاق واسبب مشكله لبناتي
|